ಕೊಲೊಂಬೋ: ಭಾರತ ಮತ್ತು ಶ್ರೀಲಂಕಾ ನಡುವೆ ನಡೆಯುತ್ತಿರುವ ಮೊದಲ ಏಕದಿನ ಪಂದ್ಯದಲ್ಲಿ ಉತ್ತಮವಾಗಿ ಬ್ಯಾಟಿಂಗ್ ಮಾಡುತ್ತಿದ್ದ ಅತಿಥೇಯರಿಗೆ ಕುಲದೀಪ್ ಯಾದವ್ ಆಘಾತ ನೀಡಿದ್ದಾರೆ.
ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ದುಕೊಂಡ ಲಂಕಾ ಉತ್ತಮ ಆರಂಭವನ್ನೇ ಪಡೆಯಿತು. ಆದರೆ ಭಾರತ ಸ್ಪಿನ್ ದಾಳಿಗಿಳಿಸುತ್ತಿದ್ದಂತೇ ಲಂಕಾ ಬಾಲ ಮುದುರಿಕೊಂಡಿತು.
ಇತ್ತೀಚೆಗಿನ ವಿವರ ಬಂದಾಗ ಲಂಕಾ 4 ವಿಕೆಟ್ ಕಳೆದುಕೊಂಡು 28.4 ಓವರ್ ಗಳಲ್ಲಿ 128 ರನ್ ಗಳಿಸಿದೆ. ಇದೀಗ 4 ರನ್ ಗಳಿಸಿರುವ ಶಣಕ, 18 ರನ್ ಗಳಿಸಿರುವ ಚರಿತ ಅಸಲಂಕ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ಭಾರತದ ಪರ ಕುಲದೀಪ್ ಯಾದವ್ 2, ಯಜುವೇಂದ್ರ ಚಾಹಲ್, ಕೃನಾಲ್ ಪಾಂಡ್ಯ ತಲಾ 1 ವಿಕೆಟ್ ಕಬಳಿಸಿದ್ದಾರೆ.
