ಮುಂಬೈ: ಟೀಂ ಇಂಡಿಯಾ ಟಿ20 ನಾಯಕತ್ವ ತ್ಯಜಿಸಿದ ಮೇಲೆ ಬಿಸಿಸಿಐ ವಿರಾಟ್ ಕೊಹ್ಲಿಗೆ ಏಕದಿನ ನಾಯಕತ್ವವನ್ನೂ ಬಿಡಲು ಸೂಚಿಸಿತ್ತು. ಆದರೆ ಕೊಹ್ಲಿ ನಿರಾಕರಿಸಿದ್ದರು ಎಂದು ಆಂಗ್ಲ ಮಾಧ್ಯಮವೊಂದು ವರದಿ ಮಾಡಿದೆ.
ಕೊಹ್ಲಿ ಟಿ20 ನಾಯಕತ್ವ ತ್ಯಜಿಸಿದ ಮೇಲೆ ರೋಹಿತ್ ಶರ್ಮಾರನ್ನು ಎರಡೂ ಮಾದರಿಯ ಸೀಮಿತ ಓವರ್ ಗಳ ತಂಡಕ್ಕೆ ನಾಯಕನಾಗಿ ಖಾಯಂ ಆಗಿ ನೇಮಿಸಲು ಬಿಸಿಸಿಐ ಚಿಂತನೆ ನಡೆಸಿತ್ತು. ಈ ಬಗ್ಗೆ ಕೊಹ್ಲಿಗೂ ಸೂಚನೆ ನೀಡಲಾಗಿತ್ತು.
ಆದರೆ ಕೊಹ್ಲಿ ಏಕದಿನ ನಾಯಕತ್ವ ತ್ಯಜಿಸಲು ಮನಸ್ಸು ಮಾಡಲಿಲ್ಲ. ತಾವಾಗಿಯೇ ಕೊಹ್ಲಿ ನಾಯಕತ್ವ ತ್ಯಜಿಸುತ್ತಾರಾ ಎಂದು ಕಾದು ಕುಳಿತಿತ್ತು. ಹಾಗಿದ್ದರೂ ಕೊಹ್ಲಿ ಮೌನವಾಗಿದ್ದರು. ಹೀಗಾಗಿ ಬಿಸಿಸಿಐ ಆಯ್ಕೆ ಸಮಿತಿ ತಾನಾಗಿಯೇ ಕೊಹ್ಲಿಯನ್ನು ಕೆಳಗಿಳಿಸಿತು ಎನ್ನಲಾಗಿದೆ.
