ಜೈಪುರ: ವಿಜಯ್ ಹಜಾರೆ ಟ್ರೋಫಿ ಕ್ವಾರ್ಟರ್ ಫೈನಲ್ ನಲ್ಲಿ ಪ್ರಬಲ ತಮಿಳುನಾಡು ವಿರುದ್ಧ ಟಾಸ್ ಗೆದ್ದ ಕರ್ನಾಟಕ ಮೊದಲು ಫೀಲ್ಡಿಂಗ್ ಆಯ್ದುಕೊಂಡಿದೆ.
ಇತ್ತೀಚೆಗಿನ ವರದಿ ಬಂದಾಗ ತಮಿಳುನಾಡು 1 ವಿಕೆಟ್ ನಷ್ಟಕ್ಕೆ 20 ಓವರ್ ಗಳಲ್ಲಿ 109 ರನ್ ಗಳಿಸಿದೆ. ಸಾಯ್ ಕಿಶೋರ್ 34, ಜಗದೀಶನ್ 56 ರನ್ ಗಳಿಸಿ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ವಿಜಯ್ ಕುಮಾರ್ ವೈಶಾಖ್ ಏಕೈಕ ವಿಕೆಟ್ ಕಬಳಿಸಿದ್ದಾರೆ.
ಪ್ರಮುಖ ಹಂತಗಳಲ್ಲಿ ಮುಗ್ಗರಿಸುವ ಕರ್ನಾಟಕ ಈ ಬಾರಿ ಅದೇ ತಪ್ಪು ಮಾಡದೇ ಇದ್ದರೆ ಸಾಕು ಎನ್ನುವುದು ಅಭಿಮಾನಿಗಳ ಪ್ರಾರ್ಥನೆ. ಇದಕ್ಕಾಗಿ ರನ್ ನಿಯಂತ್ರಣದ ಜೊತೆಗೆ ವಿಕೆಟ್ ಕೀಳುವುದರತ್ತಲೂ ಗಮನಹರಿಸಬೇಕಾಗಿದೆ. ದಿನೇಶ್ ಕಾರ್ತಿಕ್, ವಾಷಿಂಗ್ಟನ್ ಸುಂದರ್, ವಿಜಯ್ ಶಂಕರ್ ಮುಂತಾದವರ ಬಲಿಷ್ಠ ಬ್ಯಾಟಿಂಗ್ ಬಲ ತಮಿಳುನಾಡಿಗಿದೆ.