ಹೈದರಾಬಾದ್: ಎರಡು ವರ್ಷಗಳ ನಂತರ ಕಣಕ್ಕೆ ಮರಳಿದ ರಾಜಸ್ಥಾನ್ ರಾಯಲ್ಸ್ ಗೆ ಮೊದಲ ಪಂದ್ಯದಲ್ಲೇ ಹೈದರಾಬಾದ್ ಸನ್ ರೈಸರ್ಸ್ ಸೋಲಿನ ಆಘಾತ ನೀಡಿದೆ.
ಭುವನೇಶ್ವರ್ ಕುಮಾರ್ ವೇಗದ ದಾಳಿಗೆ ತತ್ತರಿಸಿ ರಾಯಲ್ಸ್ ಕೇವಲ 125 ರನ್ ಗಳಿಸಲಷ್ಟೇ ಶಕ್ತವಾಯಿತು. ಶಿಖರ್ ಧವನ್ ರಂತಹ ಅಬ್ಬರಿಸುವ ಬ್ಯಾಟ್ಸ್ ಮನ್ ಇರಬೇಕಾದರೆ ಈ ಮೊತ್ತ ಹೈದರಾಬಾದ್ ಗೆ ಸವಾಲು ಎನಿಸಲೇ ಇಲ್ಲ.
ಆರಂಭದಲ್ಲೇ ವೃದ್ಧಿಮಾನ್ ಸಹಾ (5) ವಿಕೆಟ್ ಕಳೆದುಕೊಂಡರೂ ನಾಯಕ ಕೇನ್ ವಿಲಿಯಮ್ಸ್ ಮತ್ತು ಶಿಖರ್ ಧವನ್ ವಿಕೆಟ್ ಕಳೆದುಕೊಳ್ಳದೇ ಮೊತ್ತ ಬೆನ್ನತ್ತಿದರು. ಧವನ್ 57 ಎಸೆತಗಳಲ್ಲಿ 77 ರನ್ ಗಳಿಸಿದರೆ ವಿಲಿಯಮ್ಸ್ 35 ಎಸೆತಗಳಲ್ಲಿ 36 ರನ್ ಗಳಿಸಿದರು. ಕೇವಲ 15.5 ಓವರ್ ಗಳಲ್ಲಿ ಹೈದರಾಬಾದ್ ಕೇವಲ 1 ವಿಕೆಟ್ ಕಳೆದುಕೊಂಡು ಗುರಿ ಮುಟ್ಟಿತು.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
