IPL 2025 RCB vs PBKS: ಅನುಷ್ಕಾ ಶರ್ಮಾ ಹೇಳಿದ್ದು ಸರಿ ಬೌಲರ್ ಗಿಂತ ಕೊಹ್ಲಿಗೇ ಜೋಶ್ ಜಾಸ್ತಿ, ವಿಡಿಯೋ

Photo Credit: X

ಚಂಡೀಘಡ: ಐಪಿಎಲ್ 2025 ರ ಪ್ಲೇ ಆಫ್ ನಲ್ಲಿ ಕಿಂಗ್ಸ್ ಪಂಜಾಬ್ ವಿರುದ್ಧ ಆರ್ ಸಿಬಿ ಕಿಂಗ್ ವಿರಾಟ್ ಕೊಹ್ಲಿ ಜೋಶ್ ನೋಡಿದರೆ ಅನುಷ್ಕಾ ಶರ್ಮಾ ಹೇಳಿದ ಮಾತು ನೆನಪಾಗುತ್ತದೆ.

ಇಂದು ಪ್ಲೇ ಆಫ್ ಪಂದ್ಯದಲ್ಲಿ ಟಾಸ್ ಗೆದ್ದ ಆರ್ ಸಿಬಿ ಮೊದಲು ಫೀಲ್ಡಿಂಗ್ ಆಯ್ದುಕೊಂಡಿತು. ಅದಕ್ಕೆ ತಕ್ಕಂತೆ ಆರ್ ಸಿಬಿ ತ್ರಿವಳಿ ವೇಗಿಗಳಾದ ಭುವನೇಶ್ವರ್ ಕುಮಾರ್, ಜೋಶ್ ಹೇಝಲ್ ವುಡ್ ಮತ್ತು ಯಶ್ ದಯಾಳ್ ಬೌಲಿಂಗ್ ನಡೆಸುತ್ತಿದ್ದಾರೆ. ಇತ್ತೀಚೆಗಿನ ವರದಿ ಬಂದಾಗ ಪಂಜಾಬ್ 8 ಓವರ್ ಗಳಲ್ಲಿ 6 ವಿಕೆಟ್ ಕಳೆದುಕೊಂಡು 60 ರನ್ ಗಳಿಸಿ ಸಂಕಷ್ಟದಲ್ಲಿದೆ.

ಪ್ರತೀ ವಿಕೆಟ್ ಬಿದ್ದಾಗಲೂ ಬೌಲರ್ ಗಿಂತ ಹೆಚ್ಚು ಜೋಶ್ ನಲ್ಲಿ ವಿರಾಟ್ ಕೊಹ್ಲಿಯೇ ಸಂಭ್ರಮಿಸುತ್ತಿದ್ದಾರೆ. ಈ ಹಿಂದೊಮ್ಮೆ ಅನುಷ್ಕಾ ಶರ್ಮಾ ಸಂದರ್ಶನವೊಂದರಲ್ಲಿ ಕೊಹ್ಲಿ ವಿಕೆಟ್ ಬಿದ್ದಾಗ ಹೇಗೆ ಸಂಭ್ರಮಿಸುತ್ತಾರೆ ಎಂದು ಆಕ್ಟ್ ಮಾಡಿ ತೋರಿಸಿದ್ದರು. ಜೊತೆಗೆ ವಿಕೆಟ್ ಬಿದ್ದಾಗ ಬೌಲರ್ ಸಂಭ್ರಮಿಸುತ್ತಾರೋ ಬಿಡುತ್ತಾರೋ ವಿರಾಟ್ ಮಾತ್ರ ಅವರಿಗಿಂತ ಹೆಚ್ಚು ಜೋಶ್ ನಲ್ಲಿ ಸಂಭ್ರಮಿಸುತ್ತಾರೆ ಎಂದಿದ್ದರು.

ಅವರ ಮಾತು ಇಂದಿನ ಪಂದ್ಯ ನೋಡಿದರೆ ಅಕ್ಷರಶಃ ನಿಜವೆನಿಸುತ್ತಿದೆ. ಪ್ರತೀ ವಿಕೆಟ್ ಬಿದ್ದಾಗಲೂ ಕೊಹ್ಲಿ ಆಳೆತ್ತರಕ್ಕೆ ಹಾರಿ ಅಗ್ರೆಸಿವ್ ಆಗಿ ಸಂಭ್ರಮಿಸುತ್ತಿದ್ದಾರೆ. ಅವರ ಈ ಆಕ್ರಮಣಕಾರೀ ವರ್ತನೆಯೇ ಪ್ರೇಕ್ಷಕರಲ್ಲೂ ಹೊಸ ಜೋಶ್ ತುಂಬುತ್ತದೆ.