ಐಪಿಎಲ್ 2024: ದಮ್ಮಯ್ಯ.. ನೀವೇ ಫೀಲ್ಡ್ ಸೆಟ್ ಮಾಡಿ..! ರೋಹಿತ್ ಶರ್ಮಾ ಮೊರೆ ಹೋದ ಹಾರ್ದಿಕ್ ಪಾಂಡ್ಯ

ಹೈದರಾಬಾದ್: ಐಪಿಎಲ್ 2024 ರ ಇಂದಿನ ಪಂದ್ಯದಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ಬ್ಯಾಟಿಗರು ಯದ್ವಾ ತದ್ವಾ ರನ್ ಚಚ್ಚುತ್ತಿದ್ದರೆ ಮುಂಬೈ ಇಂಡಿಯನ್ಸ್ ನೂತನ ನಾಯಕ ಹಾರ್ದಿಕ್ ಪಾಂಡ್ಯ ಕಂಗೆಟ್ಟು ಹೋಗಿದ್ದರು.

ಕಳೆದ ಪಂದ್ಯದಲ್ಲಿ ಹಾರ್ದಿಕ್ ಅನುಭವಿ ರೋಹಿತ್ ಶರ್ಮಾರನ್ನು ಸೈಡ್ ಲೈನ್ ಮಾಡಿ ಟೀಕೆಗೊಳಗಾಗಿದ್ದರು. ರೋಹಿತ್ ರನ್ನು ಬೌಂಡರಿ ಲೈನ್ ಬಳಿ ಫೀಲ್ಡಿಂಗ್ ಮಾಡುವಂತೆ ಹೇಳಿದ್ದು ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿತ್ತು. ಇದೇ ಕಾರಣಕ್ಕೆ ಹಾರ್ದಿಕ್ ಇನ್ನಿಲ್ಲದಂತೆ ರೋಸ್ಟ್ ಆಗಿದ್ದರು.

ಆದರೆ ಇಂದು ಆರಂಭದಲ್ಲಿ ಮತ್ತದೇ ಪ್ರಯೋಗ ಮಾಡಲು ಹೊರಟ ಪಾಂಡ್ಯ ಹೈದರಾಬಾದ್ ಬ್ಯಾಟಿಗರಿಂದ ಸರಿಯಾಗಿ ಚಚ್ಚಿಸಿಕೊಂಡಿದ್ದಾರೆ. ಒಂದು ಹಂತದಲ್ಲಿ ಹಾರ್ದಿಕ್ ನಿಭಾಯಿಸಲಾಗದೇ ಕೈ ಚೆಲ್ಲಿ ಕೂತಂತೆ ಕಂಡುಬಂದರು. ಈ ವೇಳೆ ರೋಹಿತ್ ಸಲಹೆಯನ್ನೂ ಕೇಳಿದರು.

ಕೊನೆಗೆ ತಂಡದ ಅವಸ್ಥೆ ನೋಡಲಾಗದೇ ಸ್ವತಃ ರೋಹಿತ್ ಶರ್ಮಾ ಫೀಲ್ಡಿಂಗ್ ಸೆಟ್ ಮಾಡಿದರು. ಈ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಅಭಿಮಾನಿಗಳು ರಿಯಲ್ ಕ್ಯಾಪ್ಟನ್ ಈಗ ಬಂದ್ರು ಎಂದು ಹಾರ್ದಿಕ್ ರನ್ನು ವ್ಯಂಗ್ಯ ಮಾಡಿದ್ದಾರೆ.