ಇಂಗ್ಲೆಂಡ್ ವಿರುದ್ಧ ಟಿ20 ಪಂದ್ಯ ಸೋಲು, ಗಂಭೀರ್ ಗೆ ಕೋಚಿಂಗ್ ಮಾಡಕ್ಕೇ ಬರಲ್ಲ

ರಾಜ್ ಕೋಟ್: ಇಂಗ್ಲೆಂಡ್ ವಿರುದ್ಧದ ಮೂರನೇ ಟಿ20 ಪಂದ್ಯ ಸೋತ ಬಳಿಕ ಅಭಿಮಾನಿಗಳು ಕೋಚ್ ಗೌತಮ್ ಗಂಭೀರ್ ಮೇಲೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಗಂಭೀರ್ ಗೆ ಕೋಚಿಂಗ್ ಮಾಡಕ್ಕೇ ಬರಲ್ಲ ಎಂದು ತರಾಟೆಗೆ ತೆಗೆದುಕೊಂಡಿದ್ದಾರೆ.

ಮೂರನೇ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾಗೆ 172 ರನ್ ಗಳ ಗುರಿ ಸಿಕ್ಕಿತ್ತು. ಆದರೆ ಟೀಂ ಇಂಡಿಯಾ 145 ರನ್ ಗಳಿಗೆ ಆಲೌಟ್ ಆಗಿ ಸೋಲು ಅನುಭವಿಸಿದೆ. ಇದಕ್ಕೆ ಟೀಂ ಇಂಡಿಯಾ ಬ್ಯಾಟಿಂಗ್ ಆರ್ಡರ್ ನಲ್ಲಾದ ಬದಲಾವಣೆಯೇ ಕಾರಣ ಎಂದು ಅಭಿಮಾನಿಗಳು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಗಂಭೀರ್ ತಿಲಕ್ ವರ್ಮಾರನ್ನು 4 ನೇ ಕ್ರಮಾಂಕದಲ್ಲಿ, ಹಾರ್ದಿಕ್ ಪಾಂಡ್ಯರನ್ನು 5 ಮತ್ತು ವಾಷಿಂಗ್ಟನ್ ಸುಂದರ್ ಮತ್ತು ಅಕ್ಷರ್ ಪಟೇಲ್ ರನ್ನು 6 ಮತ್ತು 7 ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಗೆ ಕಳುಹಿಸಿದರು. ಇದೇ ಕಾರಣಕ್ಕೆ ಭಾರತ ಸೋತಿತು. ಇಂತಹದ್ದೇ ಸಂದರ್ಭದಲ್ಲಿ ಈ ಹಿಂದೆ ಟಿ20 ವಿಶ್ವಕಪ್ ಫೈನಲ್ ನಲ್ಲಿ ಅಕ್ಷರ್ ಪಟೇಲ್ ರನ್ನು 5 ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಗೆ ಕಳುಹಿಸಿದ್ದರು. ಪರಿಣಾಮ ಭಾರತ ಗೆದ್ದಿತ್ತು.

ಇದಕ್ಕೇ ಬುದ್ಧಿವಂತಿಕೆ ಎನ್ನುವುದು. ರೋಹಿತ್ ಶರ್ಮಾ ಬುದ್ಧಿವಂತಿಕೆಯಿಂದ ಅಕ್ಷರ್ ಪಟೇಲ್ ಗೆ ಅಗ್ರ ಕ್ರಮಾಂಕದಲ್ಲಿ ಕಳುಹಿಸಿ ಪಂದ್ಯ ಗೆಲ್ಲಿಸಿಕೊಟ್ಟರು. ಆದರೆ ಗೌತಮ್ ಗಂಭೀರ್ ಗೆ ಬುದ್ಧಿವಂತಿಕೆಯಿಲ್ಲದೇ ಯೋಜನೆ ರೂಪಿಸಿ ಪಂದ್ಯ ಸೋತರು ಎಂದು ನೆಟ್ಟಿಗರು ಕಿಡಿ ಕಾರಿದ್ದಾರೆ.