ರೋಹಿತ್ ಶರ್ಮಾಗಿಂತ ಕೆಎಲ್ ರಾಹುಲ್ ವಾಸಿ ಎಂದ ಅಭಿಮಾನಿಗಳು!

ಮುಂಬೈ; ಪ್ರಸಕ್ತ ನಡೆಯುತ್ತಿರುವ ಐಪಿಎಲ್ ನಲ್ಲಿ ಕನ್ನಡಿಗ ಬ್ಯಾಟ್ಸ್ ಮನ್ ಕೆಎಲ್ ರಾಹುಲ್ ಕಿಂಗ್ಸ್ ಇಲೆವೆನ್ ಪಂಜಾಬ್ ಪರ ಭರ್ಜರಿ ಬ್ಯಾಟಿಂಗ್ ನಡೆಸುತ್ತಿರುವುದು ನೋಡಿ ಅಭಿಮಾನಿಗಳು ಟೀಂ ಇಂಡಿಯಾಗೆ ರೋಹಿತ್ ಶರ್ಮಾಗಿಂತ ಇವರೇ ವಾಸಿ ಎಂದಿದ್ದಾರೆ.

ರಾಹುಲ್ ಭರ್ಜರಿ ಫಾರ್ಮ್ ನೋಡಿದರೆ ರೋಹಿತ್ ಶರ್ಮಾ ಸ್ಥಾನಕ್ಕೆ ಟೀಂ ಇಂಡಿಯಾಕ್ಕೆ ರಾಹುಲ್ ಆಯ್ಕೆಯಾಗಬೇಕು. ರೋಹಿತ್ ಶರ್ಮಾ ಸ್ಥಾನ ಅಪಾಯದಲ್ಲಿದೆ. ಅವರಿಲ್ಲದೇ ಇದ್ದರೆ ಟೀಂ ಇಂಡಿಯಾ ಸಮಾಧಿಯಾಗುವುದು ಗ್ಯಾರಂಟಿ ಎಂದು ಅಭಿಮಾನಿಗಳು ಅಭಿಪ್ರಾಯಪಟ್ಟಿದ್ದಾರೆ.

ರಾಹುಲ್ ರ ಪ್ರಸಕ್ತ ಫಾರ್ಮ್ ನೋಡಿದರೆ ಟಿ20 ಮಾದರಿಯಲ್ಲಿ ರೋಹಿತ್ ಶರ್ಮಾ ಸ್ಥಾನಕ್ಕೆ ಅವರನ್ನೇ ಆಯ್ಕೆ ಮಾಡಬೇಕು. ನಾನು ಹೇಳುವುದಾದರೆ ರಾಹುಲ್ ರೇ ಟೀಂ ಇಂಡಿಯಾ ಆರಂಭಿಕರಾಗಲು ಬೆಸ್ಟ್ ಎಂದು ಅಭಿಮಾನಿಗಳು ಟ್ವಿಟರ್ ನಲ್ಲಿ ಒತ್ತಾಯಿಸಿದ್ದಾರೆ.

ಟಿ20 ಮಾದರಿಯಲ್ಲಿ ವಿರಾಟ್ ಕೊಹ್ಲಿಗಿಂತಲೂ ಅತ್ಯುತ್ತಮ ಸರಾಸರಿ ಹೊಂದಿರುವ ರಾಹುಲ್ ಟೀಂ ಇಂಡಿಯಾದಲ್ಲಿ ಬೇರೆಯವರಿಗಾಗಿ ಸ್ಥಾನ ತ್ಯಾಗ ಮಾಡುವುದೇ ಹೆಚ್ಚು. ಅವರಿಗೆ ಅವಕಾಶ ದೊರಕುವುದೇ ಕಡಿಮೆ. ಈಗ ಐಪಿಎಲ್ ನಲ್ಲಿ ಅವರು ವಿಜೃಂಭಿಸುವುದು ನೋಡಿ ಅಭಿಮಾನಿಗಳು ಅವರನ್ನೇ ಆರಂಭಿಕರಾಗಿಸಬೇಕು ಎಂದು ಆಗ್ರಹಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.