Publish Date: Thu, 27 Jun 2024 (13:07 IST)
Updated Date: Thu, 27 Jun 2024 (13:11 IST)
ಗಯಾನ: ಇಂಗ್ಲೆಂಡ್ ವಿರುದ್ಧ ಇಂದು ನಡೆಯಲಿರುವ ಟಿ20 ವಿಶ್ವಕಪ್ 2024 ಸೆಮಿಫೈನಲ್ ಪಂದ್ಯಕ್ಕೆ ಅಂಪಾಯರ್ ಗಳು ಯಾರೆಂದು ಐಸಿಸಿ ಪ್ರಕಟಿಸಿದೆ. ಇದನ್ನು ನೋಡಿ ಅಭಿಮಾನಿಗಳು ಸಮಾಧಾನಪಟ್ಟುಕೊಂಡಿದ್ದಾರೆ. ಇದಕ್ಕೆ ಕಾರಣವೂ ಇದೆ.
ನಾಕೌಟ್ ಹಂತದಲ್ಲಿ ಭಾರತಕ್ಕೆ ಅಂಪಾಯರ್ ಆಗಿ ರಿಚರ್ಡ್ ಕೆಟಲ್ ಬರೋ ಇಲ್ಲವೆಂಬುದೇ ಭಾರತೀಯ ಅಭಿಮಾನಿಗಳಿಗೆ ಸಮಾಧಾನಕ್ಕೆ ಕಾರಣವಾಗಿದೆ. ಈ ಇಬ್ಬರೂ ಅಂಪಾಯರ್ ಗಳು ಟೀಂ ಇಂಡಿಯಾ ಪಾಲಿಗೆ ದುರಾದೃಷ್ಟವಂತರು. ಇದಕ್ಕೆ ಕಾರಣವೂ ಇದೆ.
ಯಾಕೆಂದರೆ ಈ ಮೊದಲು ಏಕದಿನ ವಿಶ್ವಕಪ್ ಫೈನಲ್ ನಲ್ಲಿ, ಟೆಸ್ಟ್ ಚಾಂಪಿಯನ್ ಶಿಪ್ ಫೈನಲ್ ಸೇರಿದಂತೆ ರಿಚರ್ಡ್ ಕೆಟಲ್ ಬರೋ ಅಂಪಾಯರ್ ಆಗಿರುವ ಎಲ್ಲಾ 6 ನಾಕೌಟ್ ಪಂದ್ಯಗಳಲ್ಲಿ ಭಾರತ ಸೋಲು ಅನುಭವಿಸಿದೆ. ಹೀಗಾಗಿಯೇ ಭಾರತೀಯ ಅಭಿಮಾನಿಗಳು ಕೆಟಲ್ ಬರೋ ದುರದೃಷ್ಟದ ಅಂಪಾಯರ್ ಎಂದೇ ನಂಬುತ್ತಾರೆ.
ಈಗ ಸೆಮಿಫೈನಲ್ ಗೆ ಭಾರತ-ಇಂಗ್ಲೆಂಡ್ ಪಂದ್ಯಕ್ಕೆ ರಾಡ್ನಿ ಟಕರ್ ಮತ್ತು ಕ್ರಿಸ್ ಜಾಫ್ನಿ ಅವರನ್ನು ನೇಮಿಸಿದೆ. ಟಿವಿ ಅಂಪಾಯರ್ ಆಗಿ ಜೋಯಲ್ ವಿಲ್ಸನ್ ಮತ್ತು ನಾಲ್ಕನೇ ಅಂಪಾಯರ್ ಆಗಿ ಪಾಲ್ ರೈಫೆಲ್ ಇರಲಿದ್ದಾರೆ. ಅಂಪಾಯರ್ ಗಳ ಪಟ್ಟಿ ನೋಡಿ ಭಾರತೀಯ ಅಭಿಮಾನಿಗಳು ಸಮಾಧಾನದ ನಿಟ್ಟುಸಿರು ಬಿಟ್ಟಿದ್ದಾರೆ.