ಇಂಗ್ಲೆಂಡ್ ನಲ್ಲಿ ಕ್ರಿಕೆಟಿಗರ ಮನರಂಜನೆಗೆ ಪ್ರೇಕ್ಷಕರ ಉದ್ಗಾರ, ಹಾಡುಗಳ ಬಳಕೆ!

ಲಂಡನ್: ಪ್ರೇಕ್ಷಕರಿಲ್ಲದೇ ಕ್ರಿಕೆಟ್ ಆಡಲೂ ಬೇಜಾರು ಎನ್ನುವ ಕ್ರಿಕೆಟಿಗರಿಗೆ ಉತ್ಸಾಹ ತುಂಬಲು ಇಂಗ್ಲೆಂಡ್ ಕ್ರಿಕೆಟ್ ಮಂಡಳಿ ಹೊಸ ಐಡಿಯಾ ಮಾಡಿದೆ.

ಮುಂಬರುವ ವೆಸ್ಟ್ ಇಂಡೀಸ್-ಇಂಗ್ಲೆಂಡ್ ನಡುವಿನ ಟೆಸ್ಟ್ ಸರಣಿಯಲ್ಲಿ ಈ ಪ್ರಯೋಗ ನಡೆಯಲಿದೆ. ಕೊರೋನಾ ಕಾರಣದಿಂದ ಖಾಲಿ ಮೈದಾನದಲ್ಲಿ ಪಂದ್ಯ ನಡೆಯಲಿದೆ.

ಆದರೆ ಹಾಗಂತ ಆಟಗಾರರಿಗೆ ಪ್ರೇಕ್ಷಕರ ಅನುಪಸ್ಥಿತಿ ಕಾಡಬಾರದು, ಅವರ ಉತ್ಸಾಹಕ್ಕೆ ಭಂಗ ಬರಬಾರದು ಎಂದು ಇಂಗ್ಲೆಂಡ್ ಮಂಡಳಿ ಈ ಯೋಜನೆ ಮಾಡಿದೆ.