ಟೀಂ ಇಂಡಿಯಾಗೆ ಇಂಗ್ಲೆಂಡ್ ಬ್ಯಾಟ್ಸ್ ಮನ್ ಗಳ ಸವಾಲು

ಲಂಡನ್: ಭಾರತ ಮತ್ತು ಇಂಗ್ಲೆಂಡ್ ನಡುವಿನ ನಾಲ್ಕನೇ ಟೆಸ್ಟ್ ಪಂದ್ಯವನ್ನು ಗೆಲ್ಲಲು 368 ರನ್ ಗಳ ಗೆಲುವಿನ ಗುರಿ ನೀಡಿ ಆತ್ಮವಿಶ್ವಾಸದಲ್ಲಿದ್ದ ಟೀಂ ಇಂಡಿಯಾಗೆ ಅತಿಥೇಯ ಬ್ಯಾಟ್ಸ್ ಮನ್ ಗಳು ತಕ್ಕ ಸವಾಲೊಡ್ಡಿದ್ದಾರೆ.

ಇಂಗ್ಲೆಂಡ್ ನಿನ್ನೆಯ ದಿನದಂತ್ಯಕ್ಕೆ ವಿಕೆಟ್ ನಷ್ಟವಿಲ್ಲದೇ 77 ರನ್ ಗಳಿಸಿದೆ. ಆರಂಭಿಕರಾದ ಹಸೀಬ್ ಹಮೀದ್ 43, ರೋರಿ ಬರ್ನ್ಸ್ 31 ರನ್ ಗಳಿಸಿ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ಇದೀಗ ಇಂಗ್ಲೆಂಡ್ ಗೆ ಅಂತಿಮ ದಿನವಾದ ಇಂದು 291 ರನ್ ಗಳಿಸಿದರೆ ಸಾಕು.

ಹೀಗಾಗಿ ಭಾರತೀಯ ಬೌಲರ್ ಗಳು ಇಂದು ವಿಕೆಟ್ ಕೀಳಲೇಬೇಕಾದ ಒತ್ತಡದಲ್ಲಿದ್ದಾರೆ. ಓವಲ್ ಮೈದಾನದಲ್ಲಿ ನಾಲ್ಕನೇ ಇನಿಂಗ್ಸ್ ನಲ್ಲಿ ತಂಡವೊಂದು ಯಶಸ್ವಿಯಾಗಿ ಚೇಸ್ ಮಾಡಿದ್ದು 263 ರನ್ ಗಳನ್ನು. ಒಂದು ವೇಳೆ ಇಂದು ಇಂಗ್ಲೆಂಡ್ 291 ರನ್ ಗಳನ್ನು ಚೇಸ್ ಮಾಡಲು ಯಶಸ್ವಿಯಾದರೆ ಅದು ದಾಖಲೆಯಾಗಲಿದೆ.