ತೃತೀಯ ಟೆಸ್ಟ್ ಸೋತ ಬೆನ್ನಲ್ಲೇ ಹೊಸ ತಂಡ ಘೋಷಿಸಿದ ಇಂಗ್ಲೆಂಡ್

ಲಂಡನ್: ಭಾರತದ ವಿರುದ್ಧ ಸರಣಿಯ ಮುಂದಿನ ಪಂದ್ಯಗಳಿಗೆ ಇಂಗ್ಲೆಂಡ್ 14 ಸದಸ್ಯರ ತಂಡ ಘೋಷಣೆ ಮಾಡಿದ್ದು, ಜೇಮ್ಸ್ ವಿನ್ಸ್ ಸ್ಥಾನ ಪಡೆದಿದ್ದಾರೆ.

ಗಾಯಗೊಂಡಿರುವ ಜಾನಿ ಬೇರ್ ಸ್ಟೋ ಜಾಗದಲ್ಲಿ ಹ್ಯಾಂಪ್ ಶೈರ್ ಕೌಂಟಿ ಕ್ರಿಕೆಟಿಗ ವಿನ್ಸ್ ಸ್ಥಾನ ಪಡೆದಿದ್ದಾರೆ. ಒಂದು ವೇಳೆ ಬೇರ್ ಸ್ಟೋ ಫಿಟ್ ಆಗಿರದೇ ಇದ್ದಲ್ಲಿ ನಾಲ್ಕನೇ ಟೆಸ್ಟ್ ಪಂದ್ಯದಲ್ಲಿ ವಿನ್ಸ್ ಆಡಲಿದ್ದಾರೆ.

ಆದರೆ ಹಿರಿಯ ಕ್ರಿಕೆಟಿಗ ಅಲೆಸ್ಟರ್ ಕುಕ್ ಅವರನ್ನು ಸತತ ವೈಫಲ್ಯದ ಬಳಿಕವೂ ತಂಡದಲ್ಲಿ ಉಳಿಸಿಕೊಳ್ಳಲಾಗಿದೆ. ಅಶ್ವಿನ್ ಮತ್ತು ಇಶಾಂತ್ ಶರ್ಮಾ ದಾಖಲೆಯ ಬಾರಿಗೆ ಕುಕ್ ರನ್ನು ಔಟ್ ಮಾಡಿದ್ದರು. ಈ ಸರಣಿಯುದ್ದಕ್ಕೂ ಕುಕ್ ರಿಂದ ಉತ್ತಮ ಇನಿಂಗ್ಸ್ ಬಂದಿರಲಿಲ್ಲ. ಹಾಗಿದ್ದರೂ ಅವರನ್ನು ತಂಡದಲ್ಲಿ ಉಳಿಸಿಕೊಳ್ಳಲಾಗಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.