ವೈರಲ್ ಆಯ್ತು ಅಕ್ಸರ್, ಅಜಾಜ್, ರಚಿನ್, ಜಡೇಜಾ ಬ್ಯಾಕ್ ಪೋಸ್ ಫೋಟೋ

Photo Courtesy: BCCI

ಮುಂಬೈ: ನ್ಯೂಜಿಲೆಂಡ್ ವಿರುದ್ಧದ ಟೆಸ್ಟ್ ಸರಣಿ ಗೆಲುವಿನ ಬಳಿಕ ಬಿಸಿಸಿಐ ಟೀಂ ಇಂಡಿಯಾ ಮತ್ತು ಕಿವೀಸ್ ನ ನಾಲ್ವರು ಆಟಗಾರರ ಬ್ಯಾಕ್ ಪೋಸ್ ಫೋಟೋವೊಂದನ್ನು ಪ್ರಕಟಿಸಿದೆ. ಈ ಫೋಟೋ ಈಗ ವೈರಲ್ ಆಗಿದೆ.

ಭಾರತೀಯ ಮೂಲದ ನ್ಯೂಜಿಲೆಂಡ್ ಆಟಗಾರರಾದ ರಚಿನ್ ರವೀಂದ್ರ, ಅಜಾಜ್ ಪಟೇಲ್ ಜೊತೆಗೆ ಭಾರತೀಯ ಕ್ರಿಕೆಟಿಗರಾದ ರವೀಂದ್ರ ಜಡೇಜಾ, ಅಕ್ಸರ್ ಪಟೇಲ್ ಹಿಂಭಾಗ ಪೋಸ್ ನೀಡಿದ ಫೋಟೋವನ್ನು ಬಿಸಿಸಿಐ ಪ್ರಕಟಿಸಿ, ‘ಫೋಟೋವೇ ಎಲ್ಲವನ್ನೂ ಹೇಳುತ್ತಿದೆ’ ಎಂದು ಬರೆದುಕೊಂಡಿದೆ. ಅಷ್ಟಕ್ಕೂ ಆ ಫೋಟೋ ವೈರಲ್ ಆಗಲು ಕಾರಣವಿದೆ.

ಅಕ್ಸರ್ ಪಟೇಲ್ ಜರ್ಸೆಯ ಮೇಲೆ ಅಕ್ಸರ್ ಎಂದು ಬರೆಯಲಾಗಿದೆ. ಅಜಾಜ್ ಪಟೇಲ್ ಜೆರ್ಸಿ ಮೇಲೆ ಪಟೇಲ್ ಎಂದು ಬರೆಯಲಾಗಿದೆ. ಹೀಗಾಗಿ ಇಬ್ಬರನ್ನೂ ಅಕ್ಕ-ಪಕ್ಕ ನಿಲ್ಲಿಸಿದಾಗ ಅಕ್ಸರ್ ಪಟೇಲ್ ಎಂಬ ಪೂರ್ಣ ಹೆಸರು ಸಿಗುತ್ತದೆ. ಅದೇ ರೀತಿ ರಚಿನ್ ರವೀಂದ್ರ ಜೆರ್ಸಿ ಮೇಲೆ ರವೀಂದ್ರ ಎಂದು ಬರೆಯಲಾಗಿದ್ದು, ರವೀಂದ್ರ ಜಡೇಜಾ ಜರ್ಸಿ ಮೇಲೆ ಜಡೇಜಾ ಎಂದಿದೆ. ಇಬ್ಬರನ್ನೂ ಅಕ್ಕ-ಪಕ್ಕ ನಿಲ್ಲಿಸಿದಾಗ ರವೀಂದ್ರ ಜಡೇಜಾ ಎಂಬ ಹೆಸರು ಸಿಗುತ್ತದೆ. ಈ ಕ್ರಿಯಾತ್ಮಕತೆಯಿಂದಾಗಿ ಈ ಫೋಟೋ ಈಗ ವೈರಲ್ ಆಗಿದೆ.