ಪುಣೆ: ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಮೊದಲ ಏಕದಿನ ಪಂದ್ಯದಲ್ಲಿ ಮೂರನೇ ಓವರ್ ನಲ್ಲಿಯೇ ಬಾಲ್ ಬದಲಿಸಬೇಕಾಯಿತು! ಇದೊಂದು ಹೊಸ ದಾಖಲೆಯೇ.
ಇದಕ್ಕೆ ಕಾರಣವೇನು ಗೊತ್ತಾ? ಮೂರನೇ ಓವರ್ ನಲ್ಲಿ ಬಾಲ್ ತೂತಾಗಿರುವುದು ಬೌಲರ್ ನ ಗಮನಕ್ಕೆ ಬಂದಿದೆ. ತಕ್ಷಣ ಅವರು ಅಂಪಾಯರ್ ಗಮನಕ್ಕೆ ಈ ವಿಚಾರ ತಂದಿದ್ದಾರೆ. ಆಗ ಹೊಸ ಚೆಂಡಿನಲ್ಲಿ ಕೇವಲ 16 ಎಸೆತವನ್ನಷ್ಟೇ ಎಸೆಯಲಾಗಿತ್ತು.
ಶಿಖರ್ ಧವನ್ ಬ್ಯಾಟಿಂಗ್ ವೇಳೆ ಬಾಲ್ ಹೊಡೆದ ರಭಸಕ್ಕೆ ಚೆಂಡು ಬೌಂಡರಿ ಗೆರೆ ಬಳಿ ಯಾವುದೋ ವಸ್ತುವಿಗೆ ತಾಕಿ ಬಾಲ್ ತೂತಾಗಿರಬಹುದು ಎಂದು ಅಂದಾಜಿಸಲಾಗಿದೆ. ಆದರೆ ಈ ಮೂಲಕ ಬಾಲ್ ಕೂಡಾ ಹೊಸ ದಾಖಲೆ ಮಾಡಿತು.
