ಭಾರತ-ಆಸೀಸ್ ಟೆಸ್ಟ್: ಟೀಂ ಇಂಡಿಯಾ ಮೇಲೆ ಆಸ್ಟ್ರೇಲಿಯಾ ಸವಾರಿ

ಸಿಡ್ನಿ: ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಮೂರನೇ ಟೆಸ್ಟ್ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಗೆಲುವಿನತ್ತ ಸಾಗಿದೆ. ಮೊದಲ ಇನಿಂಗ್ಸ್ ನಲ್ಲಿ 94 ರನ್ ಗಳ ಮುನ್ನಡೆ ಕಂಡಿದ್ದ ಆಸ್ಟ್ರೇಲಿಯಾ ಇದೀಗ ದ್ವಿತೀಯ ಇನಿಂಗ್ಸ್ ನಲ್ಲಿ 2 ವಿಕೆಟ್ ನಷ್ಟಕ್ಕೆ 103 ರನ್ ಗಳಿಸಿದೆ.

ಇದರೊಂದಿಗೆ ಆಸ್ಟ್ರೇಲಿಯಾ ಮುನ್ನಡೆ 197 ಕ್ಕೇರಿದೆ. ಸ್ಟೀವ್ ಸ್ಮಿತ್ 29 ರನ್ ಮತ್ತು ಲಬುಶೇನ್ 47 ರನ್ ಗಳಿಸಿ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ಭಾರತದ ಪರ ಮೊಹಮ್ಮದ್ ಸಿರಾಜ್, ರವಿಚಂದ್ರನ್ ಅಶ್ವಿನ್ ತಲಾ 1 ವಿಕೆಟ್ ಕಬಳಿಸಿದ್ದಾರೆ. ಇನ್ನೂ ಎರಡು ದಿನದ ಪಂದ್ಯ ಬಾಕಿ ಉಳಿದಿದ್ದು, ಆಸೀಸ್ ನಾಳೆ ಬೃಹತ್ ಮೊತ್ತ ಪೇರಿಸಿ ಭಾರತದ ಗೆಲುವಿಗೆ ದೊಡ್ಡ ಗುರಿಯನ್ನೇ ನೀಡುವುದು ಖಂಡಿತಾ. ಭಾರತದ ಸದ್ಯದ ಬ್ಯಾಟಿಂಗ್ ಪರಿಸ್ಥಿತಿ ನೋಡಿದರೆ ಆಸ್ಟ್ರೇಲಿಯಾ ದಾಳಿಯನ್ನೆದುರಿಸಿ ಪಂದ್ಯ ಉಳಿಸಿಕೊಳ್ಳುವುದು ಕಷ್ಟ.