ಕೊಲೊಂಬೊ: ತಮ್ಮ ದೇಶದ ಅಭಿಮಾನಿಗಳ ಆಕ್ರೋಶವನ್ನು ಸಮಾಧಾನಿಸಲು ಹೋಗಿ ಭಾರತೀಯ ಕ್ರಿಕೆಟ್ ಅಭಿಮಾನಿಗಳಿಗೆ ಟಾಂಗ್ ಕೊಟ್ಟ ಲಂಕಾದ ಮಾಜಿ ನಾಯಕ ಅರ್ಜುನ್ ರಣತುಂಗಾ ಸರಿಯಾಗಿಯೇ ಪೆಟ್ಟು ತಿಂದಿದ್ದಾರೆ.
ಭಾರತದ ವಿರುದ್ಧ ತೃತೀಯ ಏಕದಿನ ಪಂದ್ಯದಲ್ಲಿ ಸೋಲು ಗ್ಯಾರಂಟಿ ಎಂದಾಗ ಲಂಕಾ ಅಭಿಮಾನಿಗಳು ಮೈದಾನದಲ್ಲಿ ದಾಂಧಲೆ ನಡೆಸಿದ್ದರು. ಇದಕ್ಕೆ ಟ್ವಿಟರ್ ನಲ್ಲಿ ಪ್ರತಿಕ್ರಿಯಿಸಿರುವ ರಣತುಂಗಾ ‘ಭಾರತೀಯ ಅಭಿಮಾನಿಗಳ ಹಾಗೆ ದುರ್ವರ್ತನೆ ತೋರಬೇಡಿ’ ಎಂದಿದ್ದರು.
ಇದಕ್ಕೆ ಟ್ವಿಟರ್ ನಲ್ಲಿ ಭಾರತೀಯ ಅಭಿಮಾನಿಗಳು ಮೊದಲು ನಿಮ್ಮ ಆಟಗಾರರಿಗೆ ಭಾರತೀಯ ಆಟಗಾರರಂತೆ ಆಡಲು ಸಲಹೆ ಕೊಡಿ. ಆಗ ನಿಮ್ಮೆಲ್ಲಾ ಸಮಸ್ಯೆಗಳಿಗೆ ಪರಿಹಾರ ದೊರಕುತ್ತದೆ ಎಂದು ತಿರುಗೇಟು ನೀಡಿದ್ದಾರೆ. ಇದು ನಿಮ್ಮ ಹತಾಶೆಯನ್ನು ತೋರಿಸುತ್ತದೆ ಎಂದು ಅಭಿಮಾನಿಗಳು ಮಾತಿನ ಏಟು ನೀಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ