ಎಬಿಡಿ ವಿಲಿಯರ್ಸ್ ಗಿತ್ತು ವಿಶ್ವಕಪ್ ನಲ್ಲಿ ಆಡುವಾಸೆ! ಆದರೆ ಒಪ್ಪದ ಆಫ್ರಿಕಾ ಕ್ರಿಕೆಟ್ ಮಂಡಳಿ

ಲಂಡನ್: ವಿಶ್ವಕಪ್ 2019 ನಲ್ಲಿ ಗಾಯಾಳುಗಳ ಗೂಡಾಗಿರುವ ದ.ಆಫ್ರಿಕಾ ಸತತ ಸೋಲಿನಿಂದ ಕಂಗೆಟ್ಟು ಕೂತಿದೆ. ಇದರ ನಡುವೆ ತಂಡದ ಬಗ್ಗೆ ಸ್ಪೋಟಕ ರಹಸ್ಯವೊಂದು ಬಯಲಾಗಿದೆ.

ದ.ಆಫ್ರಿಕಾ ಕ್ರಿಕೆಟ್ ತಂಡದ ಸ್ಟಾರ್ ಆಟಗಾರರಾಗಿದ್ದ ಎಬಿಡಿ ವಿಲಿಯರ್ಸ್ ಈಗ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ನಿವೃತ್ತಿ ಹೇಳಿದ್ದಾರೆ. ಹಾಗಿದ್ದರೂ ಎಬಿಡಿಗೆ ವಿಶ್ವಕಪ್ ನಲ್ಲಿ ತಂಡವನ್ನು ಪ್ರತಿನಿಧಿಸಬೇಕೆಂದು ಆಸೆಯಿತ್ತಂತೆ.

ಆದರೆ ವಿಶ್ವಕಪ್ ತಂಡ ಘೋಷಣೆಗೆ ಮೊದಲು ದ.ಆಫ್ರಿಕಾ ಕ್ರಿಕೆಟ್ ಮ್ಯಾನೇಜ್ ಮೆಂಟ್ ಅಲ್ಲದೆ, ನಾಯಕ ಫಾ ಡು ಪ್ಲೆಸಿಸ್, ಕೋಚ್ ಮತ್ತು ಮ್ಯಾನೇಜ್ ಮೆಂಟ್ ಬಳಿ ಎಬಿಡಿ ಈ ಮನವಿ ಮಾಡಿದಾಗ ಇವರು ಯಾರೂ ಒಪ್ಪಲಿಲ್ಲವೆಂಬ ಅಂಶ ಇದೀಗ ಬಯಲಾಗಿದೆ. ಐಪಿಎಲ್ ನಲ್ಲಿ ರಾಯಲ್ ಚಾಲೆಂಜರ್ಸ್ ಪರ ಅದ್ಭುತ ಫಾರ್ಮ್ ಪ್ರದರ್ಶಿಸಿದ್ದ ಎಬಿಡಿಗೆ ಮತ್ತೆ ರಾಷ್ಟ್ರೀಯ ತಂಡ ಕೂಡಿಕೊಳ್ಳುವ ಇರಾದೆಯಿತ್ತು ಎನ್ನಲಾಗಿದೆ. ಆದರೆ ಅದಕ್ಕೆ ಆಫ್ರಿಕಾ ತಂಡದ ಮ್ಯಾನೇಜ್ ಮೆಂಟ್ ತಣ್ಣೀರೆರಚಿತು ಎನ್ನಲಾಗಿದೆ.