ಮುಂಬೈ: ಬಾಲಿವುಡ್ ನಿರ್ದೇಶಕ, ನಿರ್ಮಾಪಕ ರೋಹಿತ್ ಶೆಟ್ಟಿ ಕೊರೋನಾ ವೈರಸ್ ವಿರುದ್ಧ ಹೋರಾಡುತ್ತಿರುವ ಪೊಲೀಸರಿಗಾಗಿ ತಮ್ಮ ಒಡೆತನದ ಎಂಟು ಹೋಟೆಲ್ ಗಳನ್ನು ಬಿಟ್ಟುಕೊಟ್ಟಿದ್ದಾರೆ.
ಮುಂಬೈಯಲ್ಲಿ ಲಾಕ್ ಡೌನ್ ಜಾರಿಗೊಳಿಸಲು ಮನೆ ಮಠ ಬಿಟ್ಟು ಕರ್ತವ್ಯ ನಿರ್ವಹಿಸುತ್ತಿರುವ ಪೊಲೀಸರಿಗೆ ಊಟದ ವ್ಯವಸ್ಥೆ, ಸ್ನಾನ ಮಾಡಲು, ಕೆಲವು ಹೊತ್ತು ವಿಶ್ರಾಂತಿ ಪಡೆಯಲು ಮುಂಬೈಯಲ್ಲಿರುವ ಎಂಟು ಹೋಟೆಲ್ ಗಳನ್ನು ಬಿಟ್ಟುಕೊಟ್ಟಿದ್ದಾರೆ.
ರೋಹಿತ್ ಶೆಟ್ಟಿಯ ಈ ವಿಶಾಲ ಮನೋಭಾವವನ್ನು ಕೊಂಡಾಡಿರುವ ಮುಂಬೈ ಪೊಲೀಸರು ಧನ್ಯವಾದ ಸಲ್ಲಿಸಿದ್ದಾರೆ. ರೋಹಿತ್ ಮಾದರಿಯಲ್ಲೇ ನಟ ಸೋನು ಸೂದ್ ಕೂಡಾ ತಮ್ಮ ಒಡೆತನದ ಹೋಟೆಲ್ ಗಳನ್ನು ಆರೋಗ್ಯಾಧಿಕಾರಿಗಳ ವಿಶ್ರಾಂತಿಗೆ ನೀಡಿದ್ದಾರೆ.