ಸೋನಂ ಕಪೂರ್ ಮದುವೆಯ ಮಹೆಂದಿಗೆ ಕಾರ್ಯಕ್ರಮಕ್ಕೆ ಬಂದವರಿಗೆ ನೀಡಿದ ಉಡುಗೊರೆ ಏನು ಗೊತ್ತಾ?

ಯಾವುದೇ ಶುಭ ಕಾರ್ಯಗಳಿಗೆ ಬಂದವರಿಗೆ ತಾಂಬೂಲ, ಸ್ವೀಟ್ ಬಾಕ್ಸ್ ಅಥವಾ ಸಣ್ಣ ಪುಟ್ಟ ಉಡುಗೊರೆಗಳನ್ನ ಕೊಡುವುದನ್ನು ನಾವು ನೋಡಿರುತ್ತೇವೆ. ಆದರೆ ಬಾಲಿವುಡ್ ನಟಿ ಸೋನಂ ಕಪೂರ್ ಮದುವೆಗೆ ಬಂದವರಿಗೆ ಚಪ್ಪಲಿಯನ್ನು ಉಡುಗೊರೆಯಾಗಿ ನೀಡಿದ್ದಾರಂತೆ.

ನಟಿ ಸೋನಂ ಕಪೂರ್ ಅವರು ಮೇ 8ರಂದು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದು, ಅಂದು ಮದುವೆಯ ಮೆಹಂದಿ ಕಾರ್ಯಕ್ರಮಕ್ಕೆ ಬಂದ ಎಲ್ಲರಿಗೂ ಶೂ ಗಳನ್ನ ಉಡುಗೊರೆಯಾಗಿ ನೀಡಲಾಗಿತ್ತು. ಮೊಜರಿಸ್ ಅಂತ ಕರೆಯಲ್ಪಡುವ ಈ ದೇಸಿ ಶೋಗಳನ್ನು ದುಬಾರಿ ಚರ್ಮದಿಂದ ಮಾಡಲಾಗಿದ್ದು ಅದರ ಮೇಲೆ ರಾಜಸ್ಥಾನಿ ಕುಸುರಿ ಹಾಗು ಮಿರರ್ ವರ್ಕ್ ಮಾಡಲಾಗಿದೆ. ಅಂತಾರಾಷ್ಟ್ರೀಯ ಗುಣ ಮಟ್ಟದ ಈ ಶೂ ಗಳನ್ನೂ ವೈಟ್ ಅಂಡ್ ಗೋಲ್ಡ್ ಕಾನ್ಸೆಪ್ಟ್ನಲ್ಲೇ ರೆಡಿ ಮಾಡಲಾಗಿತ್ತು. 

ಮೆಹಂದಿ ಕಾರ್ಯಕ್ರಮದಲ್ಲಿ ಈ ಶೂ ಗಳನ್ನ ತೊಟ್ಟು ಡ್ಯಾನ್ಸ್ ಮಾಡಿದ್ರೆ, ಕಾಲುಗಳು ನೋವು ಬರದಂತೆ ಅವುಗಳನ್ನು ವಿನ್ಯಾಸಗೊಳಿಸಲಾಗಿತ್ತು. ಈ ಶೂ ನ ಬೆಲೆ ಸುಮಾರು 10 ಸಾವಿರ ರೂ ಗಳಂತೆ. ಈ ಶೂಗಳನ್ನು ಮೆಹಂದಿ ಕಾರ್ಯಕ್ರಮಕ್ಕೆ ಬಂದಿದ್ದ ಜನರಿಗೆ ಕೊಟ್ಟಾಗ, ಕೆಲವರು ಖುಷಿ ಪಟ್ಟರೆ, ಇನ್ನೂ ಕೆಲವರಿಗೆ  ಶಾಕ್ ಆಗಿದೆಯಂತೆ.