ತನ್ನ ಮಾದಕ ಸೌಂದರ್ಯದಿಂದ ಹಲವಾರು ಅಭಿಮಾನಿಗಳನ್ನು ಹೊಂದಿರುವ ಬೆಕ್ಕಿನ ಕಣ್ಣಿನ ಈ ಸುಂದರಿ ಈಗ ಮತ್ತೆ ಸುದ್ದಿಯಲ್ಲಿದ್ದಾರೆ. ಇವರು ಹೇಟ್ ಸ್ಟೋರಿ 4 ರಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದು ಈ ಚಿತ್ರದ ಹಿಂದಿನ ಭಾಗಗಳಂತೆ ಈ ಚಿತ್ರವೂ ಸಹ ಬ್ಲಾಕ್‌ಬಸ್ಟರ್ ಆಗಲಿದೆ ಎನ್ನಲಾಗುತ್ತಿದೆ.
ಹೇಟ್ ಸ್ಟೋರಿ 4 ರ ಟ್ರೇಲರ್ ಈಗಾಗಲೇ ಬಿಡುಗಡೆಯಾಗಿದ್ದು ಕೇವಲ 24 ಗಂಟೆಗಳಲ್ಲಿ ಒಂದು ಮಿಲಿಯನ್ ವೀಕ್ಷಣೆಗಳನ್ನು ತಲುಪಿದೆ. ಹೇಟ್ ಸ್ಟೋರಿ ಮತ್ತು ಹೇಟ್ ಸ್ಟೋರಿ-2 ಚಿತ್ರಗಳು ಸಸ್ಪೆನ್ಸ್ ಮತ್ತು ಥ್ರಿಲ್ಲರ್‌ನೊಂದಿಗೆ ಅದ್ಭುತವಾಗಿದ್ದು ಹೇಟ್ ಸ್ಟೋರಿ-3 ಚಿತ್ರ ಅಷ್ಟೊಂದು ಸಂತೋಷವನ್ನು ನೀಡಿರಲಿಲ್ಲ. ಆದರೆ 'ಹೇಟ್ ಸ್ಟೋರಿ-4' ಚಿತ್ರದ ಮೇಲೆ ಜನರು ಹೆಚ್ಚು ಭರವಸೆಯನ್ನಿಟ್ಟುಕೊಂಡಿದ್ದಾರೆ.
ಹೇಟ್ ಸ್ಟೋರಿಯ ಹಿಂದಿನ ಭಾಗಗಳಲ್ಲಿ ನಟಿಸಿದ ಪಾವೋಲಿ ಡ್ಯಾಮ್, ಸುರ್ವೀನ್ ಛಾವ್ಲಾ ಮತ್ತು ಝರೀನ್ ಖಾನ್ ಈ ಮೂವರೂ ಚಿತ್ರದಲ್ಲಿ ಅದ್ಭುತವಾಗಿ ಅಭಿನಯಿಸಿದ್ದು ತಮ್ಮ ಬಹುಮುಖ ಪ್ರತಿಭೆಯನ್ನು ಪರದೆಯ ಮೇಲೆ ಮೂಡಿಸಿದ್ದರು. ಹೇಟ್ ಸ್ಟೋರೀಸ್ ಚಿತ್ರಗಳ ಎಲ್ಲಾ ಕಥೆಗಳೂ ಕಾಮಪ್ರಚೋದಕ ಥ್ರಿಲ್ಲರ್ ಆಗಿದ್ದು ಈ ಮೂವರು ನಟಿಯರೂ ತಮ್ಮ ಹಾವ ಭಾವಗಳು ಮತ್ತು ಡ್ಯಾನ್ಸ್‌ಗಳಿಂದ ಪರದೆಯಲ್ಲಿ ಬಿಸಿಯನ್ನು ಹೆಚ್ಚಿಸಿದ್ದು ಈಗ ಊರ್ವಶಿ ರುಟೇಲಾ ಸರದಿಯಾಗಿದೆ.
ಚಿತ್ರದ ತಯಾರಕರು ಚಿತ್ರದ ಈ ಪ್ರಚಾರವನ್ನು ಹಾಗೆಯೇ ಮುಂದುವರೆಸಲು ಹಿಮೇಶ್ ರೇಶ್ಮಿಯಾನ್ ಅವರ ಹಳೆಯ ಹಾಡು 'ಆಶಿಕ್ ಬನಾಯಾ ಅಪನೆ' ಯ ಹೊಸ ಟ್ರ್ಯಾಕ್ ಅನ್ನು ಬಿಡುಗಡೆ ಮಾಡಿದ್ದಾರೆ.