ಸೆಲೆಬ್ರಿಟಿಗಳು ಎಂದರೆ ಪರಸ್ಪರ ಮೈಮನಸ್ಸು ಪರಸ್ಪರ ಸಾಮಾಜಿಕ ಜಾಲತಾಣಗಳಲ್ಲಿ ಕಿತ್ತಾಟ ಆಗೋದು ಮಾಮೂಲಿ. ಆದ್ರೆ ಕೆಲವೊಮ್ಮೆ ಕೆಲವರು ಅನಾವಶ್ಯಕವಾಗಿ ಏನೇನೋ ಮಾತಾಡಿ ಸುಮ್ಮನೆ ವಿವಾದವನ್ನು ಮೈಮೇಲೆ ಎಳೆದುಕೊಳ್ಳುತ್ತಾರೆ.ಅದೇ ಸರದಿ ಈಗ ನಟ ನಾಸಿರುದ್ದೀನ್ ಶಾ ಅವರದ್ದು.
ಮೊನ್ನೆ ಸಂದರ್ಶನವೊಂದರಲ್ಲಿ ಮಾತನಾಡುತ್ತಾ ನಾಸಿರುದ್ದೀನ್ ಶಾ ಅವರು ರಾಜೇಶ್ ಕನ್ನಾ ಅವರು ಸಿನಿಮಾ ರಂಗಕ್ಕೆ ಬಂದಿದ್ದೇ ಅವರು ಯಶಸ್ಸಿಗಾಗಿ. ನನ್ನ ಪ್ರಕಾರ ರಾಜೇಶ್ ಖನ್ನಾ ಅವರು ಒಬ್ಬ ಸೀಮಿತ ನಟ .ಅವರೊಬ್ಬ ಸಾಮನ್ಯ ನಟ. ಅವರು ಯಾವತ್ತು ಗಮನಸೆಳೆದಂತಹ ನಟ ಅಲ್ಲ ಅಂತಾ ಹೇಳಿದ್ದರು. ಅವರಂತಹ ವ್ಯಕ್ತಿಯನ್ನು ನಾನೆಂದು ನೋಡಿಲ್ಲ ಅಂತಾ ಕೂಡ ಹೇಳಿದ್ದರು. ಇದು ರಾಜೇಶ್ ಖನ್ನಾ ಪುತ್ರಿ ಟ್ವಿಂಕಲ್ ಖನ್ನಾ ಅವರನ್ನು ಕೆರಳಿಸಿದೆ.
ನಾಸಿರುದ್ದೀನ್ ಅವರು ಸಂದರ್ಶನದಲ್ಲಿ ಹೇಳಿದ ಮಾತುಗಳು ತನ್ನ ಕಿವಿ ಬಿದ್ದಿದ್ದೇ ತಡ ಟ್ವಿಂಕಲ್ ಖನ್ನಾ ಟ್ವಿಟರ್ ನಲ್ಲಿ ಶಾಗೆ ಚೆನ್ನಾಗಿಯೇ ಕ್ಲಾಸ್ ತೆಗೆದುಕೊಂಡಿದ್ದಾರೆ. ನಿಮಗೆ ಸದ್ಯ ಜೀವಂತ ಇರುವ ನಟರಿಗೆ ಗೌರವ ಕೊಡೋದಕ್ಕೆ ಬರಲಿಲ್ಲ ಅಂದ್ರೂ ಪರವಾಗಿಲ್ಲ ಸತ್ತವರನ್ನಾದ್ರೂ ಗೌರವಿಸಿ ಅಂದಿದ್ದಾರೆ.
ಯಾರಿಗೆ ಪ್ರತಿಕ್ರಿಯೆ ನೀಡೋದಕ್ಕೆಸಾಧ್ಯವಿಲ್ಲವೋ ಅವರ ಬಗ್ಗೆ ಮಾತನಾಡಬೇಡಿ ಅಂದಿದ್ದಾರೆ. ಇನ್ನು ನಿರ್ಮಾಪಕ ನಿರ್ದೇಶಕ ಕರಣ್ ಜೋಹರ್ ಅವರು ಕೂಡ ಟ್ವಿಂಕಲ್ ಗೆ ಸಾಥ್ ನೀಡಿದ್ದಾರೆ.ನಾನು ಟ್ವಿಂಕಲ್ ಮಾತನ್ನು ಗೌರವಿಸುತ್ತೇನೆ. ಹಿರಿಯರನ್ನು ಗೌರವಿಸಿ ಅಂತಾ ಖಾರವಾಗಿಯೇ ಉತ್ತರಿಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು
ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ
