ನಟಿ ದೀಪಿಕಾರಲ್ಲಿ ಕಾಲ್ಶೀಟ್ ಕೇಳುವ ಮೊದಲು ನಿರ್ದೇಶಕರು ಗುಂಡಿಗೆ ಗಟ್ಟಿ ಮಾಡಿಕೊಳ್ಳಬೇಕಂತೆ!

ಮುಂಬೈ : ಬಾಲಿವುಡ್ ನಲ್ಲಿ ನಟಿ ದೀಪಿಕಾ ಪಡುಕೋಣೆ ನಟಿಸಿದ ಪದ್ಮಾವತ್ ಸಿನಿಮಾ ಸೂಪರ್ ಹಿಟ್ ಆದ ಮೇಲೆ ಸಖತ್ ಫೇಮಸ್ ಆಗಿವುದರ ಜೊತೆಗೆ ದೀಪಿಕಾ ತಮ್ಮ ಬೇಡಿಕೆಯನ್ನು ಕೂಡ ಹೆಚ್ಚಿಸಿಕೊಂಡಿದ್ದಾರೆ. ಆದಕಾರಣ ಇದೀಗ ನಟಿ  ದೀಪಿಕಾ ಅವರು ಸಿನಿಮಾಗಳಲ್ಲಿ ನಟಿಸಲು ನಿರ್ದೇಶಕರಿಗೆ ಕಂಡೀಶನ್​​ ಒಂದನ್ನು ಹಾಕಿದ್ದಾರೆ.

ಈಗಾಗಲೇ ಹೀರೋಯಿನ್‌ ಗಳಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುತ್ತಿರುವ ನಟಿ ದೀಪಿಕಾ ಅವರು ಇನ್ಮುಂದೆ ಸಿನಿಮಾಗಳಲ್ಲಿ ನಟಿಸಲು ತಮಗೆ ಬಾಲಿವುಡ್ ನಟರಾದ ಶಾರೂಖ್ ಖಾನ್ ಹಾಗೂ ಸಲ್ಮಾನ್ ಖಾನ್ ಅವರು ತೆಗೆದುಕೊಳ್ಳೊ ಸಂಭಾವನೆಯಷ್ಟೇ, ಸಂಭಾವನೆ ಕೊಡಬೇಕು ಎಂದು ನಿರ್ದೇಶಕರಿಗೆ ಕಂಡೀಶನ್​​ ಹಾಕಿದ್ದಾರೆ.

ಅವರು ಈ ರೀತಿ ಕಂಡೀಶನ್ ಹಾಕಲು ಒಂದು  ಕಾರಣವಿದೆ. ಅದೇನೆಂದರೆ ಅವರು ನಟಿಸಿದ ‘ಪದ್ಮಾವತ್’ ಸಿನಿಮಾ ಖಾನ್‌ ಸಿನಿಮಾಗಳಂತೆ ನೂರಾರು ಕೋಟಿ ಬಾಚಿಕೊಂಡಿದೆ. ಹೀಗಿರುವಾಗ ಅವರಿಗೆ ಕೊಡುವಷ್ಟು ಸಂಭಾವನೆ ತನಗೂ ಕೊಡೋದ್ರಲ್ಲಿ ತಪ್ಪೇನಿದೆ ಅನ್ನೋದು ದೀಪಿಕಾ ಅವರ  ವಾದ. ಈ ಬಗ್ಗೆ ಇದೀಗ ಬಾಲಿವುಡ್ ನಲ್ಲಿ ಸಾಕಷ್ಟು ಚರ್ಚೆಗಳಾಗುತ್ತಿದೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ