ಸಾನಿಯಾ ಮಿರ್ಜಾ ಹಾಗೂ ಶಾರುಖ್ ಒಳ್ಳೆ ಸ್ನೇಹಿತರು ಅನ್ನೋದು ಎಲ್ಲರಿಗೂ ಗೊತ್ತಿರುವ ವಿಚಾರ. ಆಗಾಗ್ಗೆ ಇವರ ಬಗ್ಗೆ ಮಾತುಗಳು ಕೇಳಿ ಬರುತ್ತಾನೇ ಇರುತ್ತೆ. ನಿನ್ನೆಯಷ್ಟೇ ಶಾರುಖ್ ಖಾನ್ ಅವರು ಸಾನಿಯಾ ಮಿರ್ಜಾ ಅವರ ಪುಸ್ತಕವನ್ನು ಬಿಡುಗಡೆಗೊಳಿಸಿದ್ರು. ಈ ವೇಳೆ ಶಾರುಖ್ ಇಂಟರೆಸ್ಟಿಂಗ್ ವಿಚಾರವೊಂದನ್ನು ಹೊರ ಹಾಕಿದ್ದಾರೆ.
ಹೌದು...ಹೈದ್ರಾಬಾದ್ ನಲ್ಲಿ ಸಾನಿಯಾ ಅವರ ಏಸ್ ಆಗೈನಿಸ್ಟ್ ಓಡ್ಸ್ ಪುಸ್ತಕವನ್ನು ಬಿಡುಗಡೆ ಮಾಡಿ ಮಾತನಾಡಿದ ಅವರು ಒಂದು ವೇಳೆ ಸಾನಿಯಾ ಅವರ ಸಿನಿಮಾ ಮಾಡಿದ್ರೆ ಅದು ನಿಜಕ್ಕೂ ಎಲ್ಲರಿಗೂ ಸ್ಫೂರ್ತಿಯಾಗುತ್ತೆ. ಒಂದು ವೇಳೆ ಅವರ ಜೀವನ ಕುರಿತು ಸಿನಿಮಾ ಮಾಡಿದ್ರೆ ಖಂಡಿತವಾಗಿಯೂ ನಾನೇ ಆ ಸಿನಿಮಾವನ್ನು ನಿರ್ಮಾಣ ಮಾಡೋದಕ್ಕೆ ಆಸಕ್ತಿ ಹೊಂದಿದ್ದೇನೆ ಅಂತಾ ಅವರು ಹೇಳಿದ್ದಾರೆ.ಆದ್ರೆ ಅವರ ಗೆಳೆಯ ಪಾತ್ರವನ್ನು ಸಿನಿಮಾದಲ್ಲಿ ನಾನೇ ನಿರ್ವಹಿಸಬೇಕು ಅಂತಾ ಅವರು ಇಷ್ಟಪಡುತ್ತಾರೋ ಗೊತ್ತಿಲ್ಲ.ಆದ್ರೆ ನಾನು ಸಿನಿಮಾವನ್ನು ಮಾಡೋದಕ್ಕೆ ಮಾತ್ರ ಆಸಕ್ತಿ ಹೊಂದಿದ್ದೇನೆ ಅಂತಾ ಅವರು ಹೇಳಿದ್ದಾರೆ.
ಇನ್ನು ಜುಲೈ 17 ರಂದು ದೆಹಲಿಯಲ್ಲಿಯೂ ಮತ್ತೆ ಪುಸ್ತಕ ಬಿಡುಗಡೆಯ ಕುರಿತಾಗಿ ವಿಶೇಷ ಕಾರ್ಯಕ್ರಮ ನಡೆಯಲಿದೆ. ಅದರಲ್ಲಿ ನಟ ಸಲ್ಮಾನ್ ಖಾನ್ ಹಾಗೂ ನಟಿ ಪರಿಣಿತಿ ಛೋಪ್ರಾ ಅವರು ಭಾಗವಹಿಸಲಿದ್ದಾರೆ.ಈ ಕಾರ್ಯಕ್ರಮದಲ್ಲಿ ನಿರ್ದೇಶಕಿ ಫರ್ಹಾ ಖಾನ್ ಕೂಡ ಭಾಗವಹಿಸಲಿದ್ದಾರೆ.
ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.
