ಆರ್ಯನ್ ಭೇಟಿಗೆ ಜೈಲಿಗೆ ಬಂದ ಶಾರುಖ್ ಖಾನ್

ಮುಂಬೈ: ಡ್ರಗ್ ಕೇಸ್ ನಲ್ಲಿ ಜೈಲು ಪಾಲಾಗಿರುವ ಪುತ್ರ ಆರ್ಯನ್ ಖಾನ್ ನನ್ನು ನೋಡಲು ಶಾರುಖ್ ಖಾನ್ ಆಗಮಿಸಿದ್ದಾರೆ.

ನಿನ್ನೆ ಆರ್ಯನ್ ಜಾಮೀನು ಅರ್ಜಿ ತಿರಸ್ಕೃತಗೊಂಡಿತ್ತು. ಈ ಹಿನ್ನಲೆಯಲ್ಲಿ ಆರ್ಯನ್ ಆರ್ಥರ್ ಜೈಲಿನಲ್ಲಿಯೇ ಕಳೆಯಬೇಕಾಗಿದೆ. ಈ ನಡುವೆ ಇಂದು ಶಾರುಖ್ ಸ್ವತಃ ಆರ್ಥರ್ ಜೈಲಿಗೆ ಬಂದು ಮಗನನ್ನು ಭೇಟಿಯಾಗಿದ್ದಾರೆ.

ಇಂದಿನಿಂದ ಆರ್ಯನ್ ಮುಖತಃ ಭೇಟಿಗೆ ಅಧಿಕಾರಿಗಳು ಅವಕಾಶ ಮಾಡಿಕೊಟ್ಟಿದ್ದಾರೆ. ಹೀಗಾಗಿ ಜಾಮೀನು ಸಿಗದ ಹತಾಶೆಯಲ್ಲಿರುವ ಪುತ್ರನನ್ನು ಭೇಟಿಯಾಗಿ ಧೈರ್ಯ ತುಂಬಲು ಸ್ವತಃ ಶಾರುಖ್ ಬಂದಿದ್ದಾರೆ.