ಶ್ರೀದೇವಿಯನ್ನು ‘ಇದು ಯಾರು’ ಎಂದು ಕೇಳಿದ ರಿಷಿ ಕಪೂರ್ ಗೆ ಬಿಸಿಮುಟ್ಟಿಸಿದ ನೆಟ್ಟಿಗರು

ಮುಂಬೈ: ನಟ ರಿಷಿ ಕಪೂರ್ ಸಾಮಾಜಿಕ ಜಾಲತಾಣದಲ್ಲಿ ಸದಾ ಒಂದೆಲ್ಲಾ ಒಂದು ಹೇಳಿಕೆ ನೀಡಿ ಟ್ರೋಲ್‌ಗೊಳಗಾಗುತ್ತಿರುತ್ತಾರೆ. ಮನಸ್ಸಿಗೆ ಅನಿಸಿದ್ದನ್ನ ನೇರವಾಗಿ ಹೇಳುವ ಜಾಯಮಾನ ನಟ ರಿಶಿ ಕಪೂರ್ ರದ್ದು.  ರಿಷಿ ಕಪೂರ್‌ ಇದೀಗ ತನ್ನ ಚಿತ್ರದ ವೀಡಿಯೋ ತುಣುಕುವೊಂದರಲ್ಲಿ ನೃತ್ಯ ಮಾಡಿದ ಶ್ರೀದೇವಿಯನ್ನು ಗುರುತಿಸದೆ 'ಇದು ಯಾರು' ಎಂದು ಕೇಳುವ ಮೂಲಕ ಸಿಕ್ಕಾಪಟ್ಟೆ ಟ್ರೋಲ್‌ಗೊಳಗಾಗಿದ್ದಾರೆ.

ಅಭಿಮಾನಿಯೊಬ್ಬ ‘ಕೌನ್ ಸಾಚಾ ಕೌನ್ ಜೂಟಾ' ಚಿತ್ರದ ಹಾಡಿನ ವಿಡಿಯೋನ GIF ಇಮೇಜ್ ಮಾಡಿ ಟ್ವೀಟ್ ಮಾಡಿದ್ದರು. ಅದನ್ನ ನೋಡಿದ ರಿಶಿ ಕಪೂರ್, ''ಇದು ಯಾವ ಸಿನಿಮಾ.? ನನ್ನ ಜೊತೆ ಇರುವ ನಟಿಯನ್ನು ಗುರುತು ಹಿಡಿಯಲು ಆಗುತ್ತಿಲ್ಲ'' ಎಂದು ಟ್ವೀಟಿಸಿದ್ದಾರೆ.

ಶ್ರೀದೇವಿಯನ್ನ ಕಂಡು ಹಿಡಿಯದ ರಿಶಿ ಕಪೂರ್ ಗೆ ಸೋಷಿಯಲ್ ಮೀಡಿಯಾದಲ್ಲಿ ನೆಟ್ಟಿಗರಿಂದ ಸಾಕಷ್ಟು ಟೀಕೆಗಳು ಬರುತ್ತಿವೆ.
'ನಿಮಗೆ ಶ್ರೀದೇವಿ ಗುರುತು ಸಿಗಲಿಲ್ವಾ.? 'ನಾಗಿನ' ಹಾಗೂ 'ಚಾಂದಿನಿ' ಚಿತ್ರದಲ್ಲಿ ನೀವು ಶ್ರೀದೇವಿ ಜೊತೆ ನಟಿಸಿರಲಿಲ್ಲ ಅಂದ್ರೆ, ನಿಮ್ಮನ್ನ ಯಾರೂ ಗುರುತು ಹಿಡಿಯುತ್ತಿರಲಿಲ್ಲ'' ಎಂದು ಟ್ವೀಟಿಗರು ಲೇವಡಿ ಮಾಡಿದ್ದಾರೆ.

ಜ್ಞಾಪಕ ಶಕ್ತಿಗೆ ಏನಾಗಿದೆ.? 'ನಿಮ್ಮ ವೃತ್ತಿ ಜೀವನಕ್ಕೆ ದೊಡ್ಡ ತಿರುವು ಕೊಟ್ಟ ಸೂಪರ್ ಸ್ಟಾರ್ ಶ್ರೀದೇವಿಯನ್ನ ಕಂಡು ಹಿಡಿಯಲು ನಿಮಗೆ ಸಾಧ್ಯ ಆಗಿಲ್ಲ ಅಂದ್ರೆ ನೀವು ನಿಮ್ಮ ಜ್ಞಾಪಕ ಶಕ್ತಿಯನ್ನ ಕಳೆದುಕೊಂಡಿರಬೇಕು. ಇಲ್ಲಾಂದ್ರೆ, ಅತಿಯಾಗಿ ಡ್ರಗ್ಸ್ ಸೇವಿಸಿರಬೇಕು. ಹೇಗಿದ್ದರೂ, ಬೇಗ ಹುಷಾರಾಗಿ' ಅಂತೆಲ್ಲಾ ಜನ ಟ್ವೀಟ್ ಮಾಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ