ಬಾಲಿವುಡ್ ಚಲುವೆ ಪ್ರಿಯಾಂಕಾ ಚೋಪ್ರಾ ಹಾಗು ಅಮೇರಿಕಾದ ಪಾಪ್ ಗಾಯಕ ನಿಕ್ ಜೊನಾಸ್ ಡೇಟಿಂಗ್ ಮಾಡುತ್ತಿರುವ ಸುದ್ದಿಯಿಂದ ಹಿಡಿದು ಅವರ ನಿಶ್ಚಿತಾರ್ಥದ ಸುದ್ದಿಯವರೆಗೂ ಎಲ್ಲಾವು ಟಾಪ್ ಸುದ್ದಿಯಾಗಿಯೇ ಇದ್ದವು. ಆದರೆ ಇದೀಗ ಸೋಷಿಯಲ್‌ ಮೀಡಿಯಾದಲ್ಲಿ ಹೊಸ ಫೋಟೋವೊಂದು ವೈರಲ್ ಆಗುತ್ತಿದೆ, ಅದೇನೆಂದರೆ ಪ್ರಿಯಾಂಕಾ ನಿಕ್ ನಿಶ್ಚಿತಾರ್ಥಕ್ಕೆ ತಯಾರಿಸಲಾದ 24 ಕ್ಯಾರೆಟ್ ಚಿನ್ನದ ಲೇಪನ ಇರುವ ಕೇಕ್!
ಈ ಜೋಡಿ ಇತ್ತೀಚೆಗೆ ಮುಂಬೈಯಲ್ಲಿ ರಾಕಾ ಸಮಾರಂಭವನ್ನು ನಡೆಸಿ, ಸ್ನೇಹಿತರಿಗಾಗಿ ನಿಶ್ಚಿತಾರ್ಥದ ಪಾರ್ಟಿಯನ್ನು ಸಹ ಆಯೋಜಿಸಲಾಗಿತ್ತು. ಈ ಪಾರ್ಟಿಯಲ್ಲಿ ಕೆಲವು ಆತ್ಮೀಯರನ್ನು ಮತ್ತು ಬಿ-ಟೌನ್‌ ತಾರೆಯರಿಗೆ ಆಹ್ವಾನಿಸಿದ್ದರು.
ಪಾರ್ಟಿಯಲ್ಲಿ ಬರೂಬ್ಬರಿ 15 ಕೆಜಿ ತೂಕದ ಕೇಕ್ ಅನ್ನು ತಯಾರಿಸಲಾಯಿತು, ಅದರ ಅಲಂಕಾರಕ್ಕೆ 24 ಕ್ಯಾರೆಟ್ ಚಿನ್ನದ ಲೇಪನ, ಚಿನ್ನದ ಎಲೆ, ಸಿಂಬಿಡಿಯಮ್ ಆರ್ಕಿಡ್ ಹೂವುಗಳು, ಹೈಡ್ರೇಂಜ ಹೂವುಗಳು, ಬೆರ್ರೀ ಹಣ್ಣುಗಳನ್ನು ಬಳಸಿದ್ದಾರೆ. ಇದೇ ಕೇಕ್ ಫೋಟೋ ವೈರಲ್ ಆಗುತ್ತಿದೆ.
ಮೂಲಗಳ ಪ್ರಕಾರ ಈ ಜೋಡಿಯು ಇಟಲಿಯಲ್ಲಿ ಅಕ್ಟೋಬರ್‌ನಲ್ಲಿ ಡೆಸ್ಟಿನೇಷನ್‌ ವೆಡ್ಡಿಂಗ್‌ಗೆ ಆದ್ಯತೆ ನೀಡುತ್ತಿದ್ದಾರೆ.