ನಟ ಹೃತಿಕ್ ರೋಶನ್ ವಿರುದ್ಧ ಮುಂಬೈ ಪೊಲೀಸರಿಗೆ ದೂರು ನೀಡಿದ ನೆಟ್ಟಿಗರು. ಹಾಗಾದ್ರೆ ನಟ ಮಾಡಿದಾದರೂ ಏನು?

ಮುಂಬೈ : ಕೇಂದ್ರ ಸಚಿವ ರಾಜವರ್ಧನ್ ಸಿಂಗ್ ಅವರ  ಫಿಟ್ನೆಸ್ ಚಾಲೇಂಜ್ ತೆಗೆದುಕೊಂಡ ಬಾಲಿವುಡ್ ನಟ ಹೃತಿಕ್ ರೋಶನ್ ಅವರು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲ್ ಗೆ ಗುರಿಯಾಗಿದ್ದಾರೆ.

ಹೌದು. ಇತ್ತೀಚೆಗೆ ಕೇಂದ್ರ ಸಚಿವ ರಾಜವರ್ಧನ್ ಸಿಂಗ್ ಅವರು ಫಿಟ್ನೆಸ್ ಚಾಲೇಂಜ್ ಹಾಕಿದ್ದು,  ಹೃತಿಕ್ ಗೂ ಕೂಡ ಇದು ಅನ್ವಯವಾಗಿತ್ತು. ಇದನ್ನು ಸ್ವೀಕರಿಸಿದ ಹೃತಿಕ್ ರೋಶನ್ ಅವರು ಸೈಕಲ್ ಏರಿ ರಸ್ತೆಯಲ್ಲಿ ಒಂದು ರೌಂಡ್ ಹೊಡೆದಿದ್ದು, ಜೊತೆಗೆ ಒಂದು ಕೈಯಲ್ಲಿ ಮೊಬೈಲ್ ಹಿಡ್ಕೊಂಡು, ಲೈವ್ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಅಪ್ಲೊಡ್ ಮಾಡಿದ್ದರು. ಇದು ಈಗ ಜನರ ಕೆಂಗಣ್ಣಿಗೆ ಕಾರಣವಾಗಿದೆ.

ಅಷ್ಟೊಂದು ಜನಸಂದಣ ಹಾಗೂ ವಾಹನಗಳು ಓಡಾಡುತ್ತಿರುವ ರೋಡ್‌ನಲ್ಲಿ ಮೊಬೈಲ್ ಬಳಕೆ ಮಾಡಿರುವುದು ಹಾಗೇ ಹೆಲ್ಮೆಟ್ ಕೂಡ ಧರಿಸದೇ ಇರುವುದಕ್ಕೆ ಜನರು ಹೃತಿಕ್ ರೋಶನ್ ಅವರನ್ನು ತರಾಟೆಗೆ ತೆಗೆದುಕೊಂಡು,’ ಹೆಲ್ಮೆಟ್ ಹಾಕಿಲ್ಲ, ಸೈಕಲ್ ಓಡಿಸುವ ವೇಳೆ ಮೊಬೈಲ್ ಬಳಕೆ ಮಾಡುವ ಮೂಲಕ ನೀವು ಬೇಜವಾಬ್ದಾರಿತನ ತೋರಿದ್ದೀರಿ ಎಂದು ತಿಳಿಸಿ  ಮುಂಬೈ ಪೊಲೀಸರಿಗೆ ದೂರು ನೀಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ