'ಭಾರತ್' ಚಿತ್ರದಲ್ಲಿ ಆತಿಫ್ ಅಸ್ಲಾಂ, ರಾತ್ ಫತೇ ಅಲಿ ಖಾನ್ ಹಾಡಿಗೆ ಕೊಕ್

ಸಲ್ಮಾನ್ ನಾಯಕ ನಟರಾಗಿ ನಟಿಸಿರುವ ಭಾರತ್ ಚಿತ್ರದಿಂದ ಆತಿಫ್ ಅಸ್ಲಾಂ ಮತ್ತು ರಾತ್ ಫತೇ ಅಲಿ ಖಾನ್ ಅವರ ಹಾಡುಗಳು ಇರುವುದಿಲ್ಲ ಎನ್ನುವ ಸುದ್ದಿಗಳು ಹರಿದಾಡುತ್ತಿವೆ. 

ಇತ್ತೀಚೆಗೆ ಜಮ್ಮು ಕಾಶ್ಮೀರದ ಪುಲ್ವಾಮಾ ಜಿಲ್ಲೆಯಲ್ಲಿ ನಡೆದ ಭಯೋತ್ವಾದಕ ಧಾಳಿಯ ಕಾರಣ ಸಲ್ಮಾನ್ ಖಾನ್ ತಮ್ಮ ಮುಂದಿನ ನಿರ್ಮಾಣದ 'ನೋಟ್‌ಬುಕ್' ನಿಂದ ಪಾಕಿಸ್ತಾನದ ಗಾಯಕರಾದ ಆತಿಫ್ ಅಸ್ಲಾಂ ಅವರ ಹಾಡನ್ನು ತೆಗೆದುಹಾಕುವ ನಿರ್ಧಾರವನ್ನು ತೆಗೆದುಕೊಂಡಿದ್ದಾರೆ ಎಂದು ವರದಿಯಾಗಿದೆ. ಇದರೊಂದಿಗೆ ಅಭಿಮಾನಿಗಳು ಮುಂಬರಲಿರುವ 'ಭಾರತ್' ಚಿತ್ರದಿಂದಲೂ ಸಹ ನಟರಾದ ಸಲ್ಮಾನ್ ಮತ್ತು ನಿರ್ಮಾಪಕರು ಪಾಕಿಸ್ತಾನಿ ಹಾಡುಗಾರರು ಹಾಡಿರುವ ಹಾಡನ್ನು ತೆಗೆದುಹಾಕಬೇಕು ಎಂದು ಒತ್ತಾಯಪಡಿಸುತ್ತಿದ್ದಾರೆ ಎಂದು ತಿಳಿದುಬಂದಿದೆ.

ಅದೇನೇ ಇದ್ದರೂ, ಇತ್ತೀಚಿನ ವರದಿಗಳ ಪ್ರಕಾರ ಸಲ್ಮಾನ್ ಖಾನ್ ಅಭಿನಯದ ಚಿತ್ರಗಳಲ್ಲಿ ಪಾಕಿಸ್ತಾನಿ ಹಾಡುಗಾರರು ಹಾಡಿರುವ ಹಾಡುಗಳು ಇರುವುದಿಲ್ಲ. ಸಲ್ಮಾನ್ ತಮ್ಮ ಗೌರವಕ್ಕೆ ಯಾವುದೇ ಚ್ಯುತಿಯನ್ನುಂಟುಮಾಡಿಕೊಳ್ಳಲು ಸಿದ್ಧರಿಲ್ಲ ಎಂದು ತಿಳಿದುಬಂದಿದೆ.