ತಮ್ಮ 38 ನೇ ವರ್ಷದ ಹುಟ್ಟುಹಬ್ಬವನ್ನು ಆಚರಿಸಿಕೊಂಡ ಬಾಲಿವುಡ್ ದೀವಾ..!!

ಇಂದು ಕರೀನಾ ಕಪೂರ್ ಖಾನ್ 38 ನೇ ವರ್ಷದ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ತನ್ನ ತೆರೆಯ ಮೇಲಿನ ಮೋಡಿಗೆ ಹೆಸರುವಾಸಿಯಾಗಿರುವ ಬೆಬೋ ತಮ್ಮ ಕ್ಯಾಶುಯಲ್ ಲುಕ್, ನಟನಾ ಕೌಶಲ್ಯ ಹಾಗೂ ಸೌಂದರ್ಯದಿಂದಾಗಿ ಬಾಲಿವುಡ್‌ನಲ್ಲಿ ತಮ್ಮದೇ ಆದ ಸ್ಥಾನವನ್ನು ಪಡೆದಿದ್ದಾರೆ.

ಕರೀನಾ ಕಪೂರ್ ಖಾನ್ ಚಿತ್ರರಂಗದಲ್ಲಿ ನಿಜವಾದ ಫ್ಯಾಷನ್ ಡೀವಾ ಆಗಿದ್ದಾರೆ. ಅವರ ಅಭಿನಯದ ಕೌಶಲ್ಯದಂತೆಯೇ ಅವರ ಸ್ಟೈಲ್ ಸಹ ಮೆಚ್ಚುವಂತಹದ್ದಾಗಿದೆ. ಇವರು ಬಾಲಿವುಡ್‌ನಲ್ಲಿ ಅತಿಹೆಚ್ಚು ಸಂಭಾವನೆಯನ್ನು ಪಡೆಯುವ ಮತ್ತು ಅತ್ಯಂತ ಯಶಸ್ವಿ ನಟಿಯರಲ್ಲಿ ಒಬ್ಬರಾಗಿದ್ದಾರೆ. ಶಾರೂಖ್, ಸಲ್ಮಾನ್, ಅಮೀರ್ ಖಾನ್ ಅವರಂತಹ ಯಶಸ್ವಿ ನಟರೊಂದಿಗೆ ಅಭಿನಯಿಸಿರುವ ಕರೀನಾ ಒಬ್ಬ ಯಶಸ್ವಿ ತಾರೆಯಾಗಿದ್ದಾರೆ.

ಕರೀನಾ ತಮ್ಮ ವರ್ಚಸ್ಸಿಗೇ ಹೆಸರುವಾಸಿಯಾದವರು, ಏಕೆಂದರೆ ಅವರು ತಮ್ಮದೇ ಆದ ವಿಶಿಷ್ಟ ನಟನಾ ಶೈಲಿಯನ್ನು ಹೊಂದಿದ್ದಾರೆ. ಕಭಿ ಖುಷಿ ಕಭಿ ಗಮ್, ಚಮೇಲಿ, ಜಬ್ ವಿ ಮೆಟ್‌ನಂತಹ ಚಿತ್ರಗಳಲ್ಲಿ ವಿವಿಧ ರೀತಿಯ ಪಾತ್ರಗಳಲ್ಲಿ ನಟಿಸಿ ಹಲವಾರು ಅಭಿಮಾನಿಗಳನ್ನು ತನ್ನದಾಗಿಸಿಕೊಂಡಿದ್ದಾರೆ.