ಜಾಕ್ವೆಲಿನ್ ಫರ್ನಾಂಡೀಸ್ ಬಾಲಿವುಡ್ ಗೆ ಬರಲು ಈ ಸಿನಿಮಾ ಕಾರಣವಂತೆ!

ಮುಂಬೈ : ಬಾಲಿವುಡ್ ಅಂಗಳಕ್ಕೆ ಕಾಲಿಟ್ಟು ಪಡ್ಡೆಹುಡುಗರ ನಿದ್ದೆಗೆಡಿಸಿದ ಬಾಲಿವುಡ್ ಬೆಡಗಿ ಜಾಕ್ವೆಲಿನ್ ಫರ್ನಾಂಡೀಸ್ ಅವರು ಭಾರತಕ್ಕೆ ಬಂದು ನಟಿಯಾಗಲು  ಬಾಲಿವುಡ್ ನ ಸಿನಿಮಾವೊಂದು ಕಾರಣವಂತೆ.

2006 ರಲ್ಲಿ ಮಿಸ್ ಶ್ರೀಲಂಕಾ ಯೂನಿವರ್ಸ್ ಟೈಟಲ್ ಮುಡಿಗೇರಿಸಿಕೊಂಡ ನಟಿ ಜಾಕ್ವೆಲಿನ್ ಫರ್ನಾಂಡೀಸ್ ಅವರು ಬಾಲಿವುಡ್ ಬಾದ್ ಶಾ ಶಾರುಖ್ ಖಾನ್ ಅವರು ನಟಿಸಿದ 'ದೇವದಾಸ್' ಸಿನಿಮಾ ನೋಡಿ ಭಾರತಕ್ಕೆ ಬಂದು ನಟಿಸಬೇಕೆಂಬ ಆಸೆಯಾಗಿತ್ತಂತೆ. ಈ ವಿಷಯವನ್ನು ರೇಸ್ 3 ಚಿತ್ರದ ಪ್ರಚಾರ ಕಾರ್ಯಕ್ರಮದಲ್ಲಿ ತಿಳಿಸಿದ ನಟಿ ಜಾಕ್ವೆಲಿನ್ ಫರ್ನಾಂಡೀಸ್ ಅವರು,’ ಕೇನ್ ಚಲನಚಿತ್ರೋತ್ಸವದಲ್ಲಿ ದೇವದಾಸ್ ಸಿನಿಮಾ ನೋಡಿದೆ. ಬಳಿಕ ಮನೆಗೆ ಹೋಗಿ ಡಿವಿಡಿ ತರಿಸಿಕೊಂಡು ಮತ್ತೆ ಸಿನಿಮಾ ನೋಡಿದೆ. ಈ ಸಿನಿಮಾ ನೋಡಿದ ಬಳಿಕ ಅದು ನಿಜವಾಗಿಯೂ ಸಿನಿಮಾನಾ? ಅನ್ನಿಸಿತು. ಅದರಲ್ಲಿನ ತಾರೆಗಳೆಲ್ಲಾ ಅದ್ಭುತವಾಗಿ ನಟಿಸಿದ್ದಾರೆ. ಆ ಸಿನಿಮಾ ನೋಡಿದ ಬಳಿಕ ಸಂಜಯ್ ಲೀಲಾ ಬನ್ಸಾಲಿ ಅವರ ಬ್ಲಾಕ್ ನೋಡಿದೆ. ಇದೂ ಸಹ ಭಿನ್ನವಾದ ಸಿನಿಮಾ. ಸಂಜಯ್ ಅವರ ಈ ಎರಡು ಸಿನಿಮಾಗಳನ್ನು ನೋಡಿ ನಾನು ಭಾರತಕ್ಕೆ ಬರಬೇಕೆಂದುಕೊಂಡೆ. ಅವರ ಜತೆಗೆ ಕೆಲಸ ಮಾಡಬೇಕೆಂದುಕೊಂಡೆ. ಆದರೆ ಇದುವರೆಗೂ ನನ್ನ ಕನಸು ನೆರವೇರಿಲ್ಲ ಎಂದಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ