ಮುಂಬೈ : ಬಾಲಿವುಡ್ ಖ್ಯಾತ ನಟಿ ದೀಪಿಕಾ ಪಡುಕೋಣೆ ಅವರು ಇದೀಗ ನಟನಾ ಕ್ಷೇತ್ರದಲ್ಲಿ ನಟ-ನಟಿಯರಿಗೆ ನೀಡುವ ಸಂಭಾವನೆ ತಾರತಮ್ಯದ ಕುರಿತು ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತ ಪಡಿಸಿದ್ದಾರೆ.
ನ್ಯೂಯಾರ್ಕ್‌ನಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ದೀಪಿಕಾ ಪಡುಕೋಣೆ ಅವರು,’ ನಮ್ಮ ನಟನೆಗೆ ಸೂಕ್ತವೆನಿಸುವ ಸಂಭಾವನೆ ಕೇಳುವುದರಲ್ಲಿ ತಪ್ಪೇನಿಲ್ಲ. ನಮಗೆಲ್ಲರಿಗೂ ನಮ್ಮದೇ ಆದ ಒಂದು ಮಿತಿ ಇರುತ್ತದೆ. ನಮ್ಮ ಶ್ರಮಕ್ಕಿಂತ ಮತ್ತು ಆ ಮಿತಿಗಿಂತಲೂ ಕಡಿಮೆಯೂ ಕೇಳಬಾರದು ಎನ್ನುವುದು ನನ್ನ ಉದ್ದೇಶ. ಈ ಮಿತಿಯ ರೇಖೆ ನಮ್ಮೆಲ್ಲರ ಅರಿವಿನ ಪರಿಧಿಯಲ್ಲಿಯೇ ಇರುತ್ತದೆ. ನಿಮಗೆ ಸಲ್ಲಬೇಕಾದುದನ್ನು ಕೇಳುವುದರಲ್ಲಿ ತಪ್ಪೇನಿಲ್ಲ. ಸುಮಾರು ಕಾಲಗಳಿಂದ ಹೆಣ್ಣು ಗಂಡು ಎನ್ನುವ ಈ ತಾರತಮ್ಯ ನಡೆದುಕೊಂಡು ಬಂದಿದೆ. ಮಹಿಳೆಯರು ಸುಮ್ಮನಿದ್ದರೆ ಅದು ಹಾಗೆಯೇ ಮುಂದುವರಿಯುತ್ತದೆ. ಅಗತ್ಯವಿದ್ದಲ್ಲಿ ಹೋರಾಟ ಮಾಡುವುದರಲ್ಲಿ ತಪ್ಪೇನಿಲ್ಲ. ಅವಕಾಶಗಳು ತಪ್ಪುತ್ತವೆ ಎಂಬ ಆತಂಕವಿರಬಾರದು ಅಷ್ಟೆ. ಆ ಆತಂಕವನ್ನು ಮೀರಲು ಪರಿಣತರಾಗಬೇಕು’ ಎಂದು ತಿಳಿಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
