ಯುವತಿಯೊಬ್ಬಳ ಮೇಲೆ ಹಲ್ಲೆ ನಡೆಸಿದ್ರಂತೆ ದೀಪಿಕಾ ಮತ್ತು ರಣವೀರ್

ಮುಂಬೈ : ಬಾಲಿವುಡ್ ಕ್ಯೂಟ್ ಕಪಲ್ ದೀಪಿಕಾ ಮತ್ತು ರಣವೀರ್ ಯುವತಿಯೊಬ್ಬರ ಮೇಲೆ ಹಲ್ಲೆ ನಡೆಸಿದ್ದಾರೆ ಎಂಬುದಾಗಿ ತಿಳಿದುಬಂದಿದೆ.

ಸದ್ಯದಲ್ಲೇ ಹಸೆಮಣೆ ಏರಲಿದ್ದಾರೆ ಎಂದು ಹೇಳಲಾದ ಈ ಜೋಡಿ ಇದೀಗ ಅಮೆರಿಕದ ಡಿಸ್ನಿಲ್ಯಾಂಡ್ ನಲ್ಲಿ ಕೈ ಕೈ ಹಿಡಿದುಕೊಂಡು ಜಾಲಿಮೂಡ್ ನಲ್ಲಿದ್ದಾರೆ. ಈ ವೇಳೆ ಜೈನಾಬ್ ಖಾನ್ ಹೆಸರಿನ ಯುವತಿಯೊಬ್ಬಳು ಅವರಿಬ್ಬರು ಜೊತೆಯಾಗಿ ಸುತ್ತುತ್ತಿರುವ  ವಿಡಿಯೋವನ್ನು ರೆಕಾರ್ಡ್ ಮಾಡುತ್ತಾ ಅವರಿಬ್ಬರತ್ತ ತೆರಳಿದ್ದಾರೆ. ಈ ವೇಳೇ ದೀಪಿಕಾರನ್ನ ಆಕೆ ಮಾತಿಗೆಳೆದಿದ್ದಾರೆ.

ಆನಂತರದಲ್ಲಿ ಏನು ನಡೀತು ಅನ್ನೋದು ಆ ವಿಡಿಯೋದಲ್ಲಿ ರೆಕಾರ್ಡ್ ಆಗಿಲ್ಲ.
ಆದರೆ ಆ ಯುವತಿ ಈ ಬಗ್ಗೆ ಟ್ವೀಟ್ ಮಾಡಿ ದೀಪಿಕಾ ಮತ್ತು ರಣವೀರ್ ತನ್ನ ಮೇಲೆ ಹಲ್ಲೆ ನಡೆಸಿದ್ದಾರೆ ಅಂತ ಸಾಮಾಜಿಕ ಜಾಲತಾಣದಲ್ಲಿ ವಾಗ್ದಾಳಿ ನಡೆಸಿದ್ದಾಳೆ. ಇಬ್ಬರ ತಲೆಯಲ್ಲೂ ಸ್ಟಾರ್ ಡಮ್ ಮನೆ ಮಾಡಿಬಿಟ್ಟಿದೆ. ಅಭಿಮಾನಿಗಳ ಪ್ರೀತಿಗೆ ಇವರಿಬ್ಬರು ಯೋಗ್ಯರಲ್ಲ ಎಂದು ಕಾಮೆಂಟ್ ಮಾಡಿದ್ದಾಳೆ.

ಇದಕ್ಕೆ ಪ್ರತಿಕ್ರಿಯಿಸಿದ  ದೀಪಿಕಾ ಮತ್ತು ರಣವೀರ್ ಅಭಿಮಾನಿಗಳು ಆ ಯುವತಿಯನ್ನು ತರಾಟೆಗೆ ತೆಗೆದುಕೊಂಡು, ‘ಸ್ಟಾರ್ ಆದ ಮಾತ್ರಕ್ಕೆ ಅವರಿಗೆ ಸ್ವಾತಂತ್ರ ಇಲ್ಲವೆಂದು ಅರ್ಥವಲ್ಲ. ಅವರ ಖಾಸಗಿ ಜೀವನವನ್ನು ಗೌರವಿಸದೆ ನಡೆದುಕೊಂಡಿದ್ದು ನಿನ್ನ ತಪ್ಪು’ ಎಂದು ಹೇಳಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ