Select Your Language

Notifications

webdunia
webdunia
webdunia
webdunia

ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಿಕೊಂಡ ರವೀನಾ ಟಂಡನ್..

ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಿಕೊಂಡ ರವೀನಾ ಟಂಡನ್..

ಅತಿಥಾ

ಬೆಂಗಳೂರು , ಶನಿವಾರ, 24 ಫೆಬ್ರವರಿ 2018 (18:14 IST)
ಬಾಲಿವುಡ್‌ನ ಜನಪ್ರಿಯ ನಟಿ ರವೀನಾ ಟಂಡನ್ ನಿನ್ನೆ ತಮ್ಮ ಮದುವೆಯ ವಾರ್ಷಿಕೋತ್ಸವದಂದು ತಮ್ಮ ನೆನಪಿನಾಳಕ್ಕೆ ಇಳಿಯುತ್ತಾ ತಾವು ಮತ್ತು ಚಲನಚಿತ್ರ ವಿತರಕರಾಗಿರುವ ಅವರ ಪತಿ ಅನಿಲ್ ತದಾನಿಯವರೊಂದಿಗೆ ಇನ್ನಷ್ಟು ಸಂತೋಶದ ನೆನಪುಗಳನ್ನು ಸೃಷ್ಟಿಸಲು ಎದುರುನೋಡುತ್ತಿದ್ದೇನೆ ಎಂದು ಹೇಳಿದರು.
"ಪ್ರೀತಿ ಮತ್ತು ನಗು, ನಂಬಿಕೆ, ವಿಶ್ವಾಸ, ಸಮಾನತೆ, ಸಂತೋಷದ ಒಡನಾಟದ ಒಟ್ಟಿಗಿನ ಜೀವನ ಕಳೆದು 14 ವರ್ಷಗಳಾದರೂ ನಿನ್ನೆ ಒಂದಾದಂತಿದೆ" ಎಂದು ರವೀನಾ ಟಂಡನ್ ನಿನ್ನೆ ಟ್ವೀಟ್ ಮಾಡಿದ್ದಾರೆ. ತಮ್ಮ 14 ವರ್ಷದ ದಾಂಪತ್ಯದ ಸಂತೋಷದ ಕ್ಷಣಗಳನ್ನು ನೆನಪಿಸಿಕೊಳ್ಳುತ್ತಾ ಅವರ ಮದುವೆಯ ಫೋಟೋಗಳು ಮತ್ತು ಪತಿ ಅನಿಲ್ ಅವರೊಂದಿಗೆ ತೆಗೆದಿರುವ ಫೋಟೋಗಳನ್ನು ಕೂಡ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
 
ರವೀನಾ 2004 ರಲ್ಲಿ ಅನಿಲ್ ತದಾನಿ ಅವರನ್ನು ವಿವಾಹವಾಗಿದ್ದರು. ಇವರಿಬ್ಬರಿಗೆ ಮಗಳು ರಾಶಾ ಮತ್ತು ಮಗ ರಣಬೀರ್ ಎಂಬ ಹೆಸರಿನ ಎರಡು ಮುದ್ದಾದ ಮಕ್ಕಳಿದ್ದಾರೆ. ರವೀನಾ 1995 ರಲ್ಲಿ ಪೂಜಾ ಮತ್ತು ಛಾಯಾ ಎಂಬ ಇಬ್ಬರು ಮಕ್ಕಳನ್ನು ಸಿಂಗಲ್ ಮದರ್ ಆಗಿ ದತ್ತು ತೆಗೆದುಕೊಂಡಿದ್ದರು. 1991 ರಲ್ಲಿ 'ಪತ್ತರ್ ಕೆ ಫೂಲ್' ಎಂಬ ತಮ್ಮ ಮೊದಲ ಚಿತ್ರದಲ್ಲಿ ನಟಿಸಿ ಉತ್ತಮ ಪ್ರತಿಕ್ರಿಯೆಯನ್ನು ಪಡೆದರು. 'ದಿಲ್ವಾಲೆ', 'ಮೊಹ್ರಾ', 'ಶೂಲ್' ಮತ್ತು 'ಶಾಬ್' ಚಿತ್ರದಲ್ಲಿನ ನಟನೆಗೆ ರವೀನಾ ಜನಪ್ರಿಯರಾಗಿದ್ದಾರೆ.

Share this Story:

Follow Webdunia kannada

ಮುಂದಿನ ಸುದ್ದಿ

ಮಗು ನೋಡುತ್ತಾ ಮೈಮರೆತ ರಾಕಿಂಗ್ ಸ್ಟಾರ್ ಯಶ್..!