ಬರೋಬ್ಬರಿ ₹3 ಕೋಟಿಗೂ ಅಧಿಕ ಮೌಲ್ಯದ ಕಾರು ಖರೀದಿ ಮಾಡಿದ ಅನನ್ಯಾ ಪಾಂಡೆ

Photo Courtesy X

ಮುಂಬೈ: ಬಾಲಿವುಡ್ ನಟಿ ಅನನ್ಯಾ ಪಾಂಡೆ ಬರೋಬ್ಬರಿ ₹ 3 ಕೋಟಿ ಮೌಲ್ಯದ ಕಾರು ಖರೀದಿಸಿ ಸುದ್ದಿಯಲ್ಲಿದ್ದಾರೆ. ಇತ್ತೀಚೆಗೆ ಅವರು ಭಾರತ ಕ್ರಿಕೆಟ್‌ ತಂಡದ ಆಲ್‌ರೌಂಡರ್‌ ಹಾರ್ದಿಕ್ ಪಾಂಡ್ಯ ಅವರನ್ನು ಇನ್​ಸ್ಟಾಗ್ರಾಮ್​ನಲ್ಲಿ ಫಾಲೋ ಮಾಡಿ ಸುದ್ದಿ ಆಗಿದ್ದರು.

ಸ್ಟುಡೆಂಟ್ ಆಫ್ ದಿ ಇಯರ್ 2 ಚಿತ್ರದ ಮೂಲಕ ಅನನ್ಯಾ ಪಾಂಡೆ ಅವರು ಚಿತ್ರರಂಗಕ್ಕೆ ಕಾಲಿಟ್ಟರು. ಆ ಬಳಿಕ ಅವರು ಕೆಲವು ಸಿನಿಮಾ ಮಾಡಿದರು. ಆದರೆ ಯಾವುದೂ ಕೈ ಹಿಡಿಯಲಿಲ್ಲ.  ಆದರೆ, ಅವರು ಈಗ ಐಷಾರಾಮಿ ರೇಂಜ್ ರೋವರ್ ಖರೀದಿ ಮಾಡಿದ್ದಾರೆ. ಈಗ ಅವರು ಖರೀದಿ ಮಾಡಿರೋ ಕಾರು ಸಖತ್ ಚರ್ಚೆ ಆಗುತ್ತಿದೆ. ಇದಕ್ಕೆ ಕಾರಣ ಆಗಿರೋದು ಕಾರಿನ ನಂಬರ್​ಪ್ಲೇಟ್.

ಅನನ್ಯಾ ಪಾಂಡೆ ಬಳಿ ಹಲವು ಕಾರುಗಳು ಇವೆ. ಇದರ ಜೊತೆಗೆ ಈಗ ಹೊಸ ಕಾರು ಸೇರ್ಪಡೆ ಆಗಿದೆ. ಇವರ ಕಾರಿನ ಸಂಖ್ಯೆ ಕೊನೆಯಾಗೋದು 3000 ನಂಬರ್​ನಿಂದ. ಅವರು ಇದನ್ನು ವಿಶೇಷವಾಗಿ ಖರೀದಿ ಮಾಡಿದ್ದಾರೆ ಎನ್ನಲಾಗಿದೆ. ಅವರ ಜನ್ಮದಿನ ಅಕ್ಟೋಬರ್ 30. ಈ ಕಾರಣಕ್ಕೆ ಅವರು 3000 ಖರೀದಿ ಮಾಡಿರಬಹುದು ಎಂದು ಕೆಲವರು ಊಹಿಸಿದ್ದಾರೆ. ಎಲ್ಲಕ್ಕಿಂತ ಮುಖ್ಯವಾಗಿ ಹಾಲಿವುಡ್​ನ ಮಾರ್ವೆಲ್ ಸಿನಿಮಾದಲ್ಲಿ ಬರೋ ಲೈನ್​ಗೋಸ್ಕರ ಈ ನಂಬರ್​ಪ್ಲೇಟ್ ಪಡೆಯಲಾಗಿದೆ ಎನ್ನಲಾಗಿದೆ.

ಮಾರ್ವೆಲ್ ಸಿನಿಮಾದಲ್ಲಿ ಐ ಲವ್​ ಯೂ 3000 ಅನ್ನೋ ಲೈನ್ ಬರುತ್ತದೆ. ಎಲ್ಲಕ್ಕಿಂತ ಹೆಚ್ಚು ನಿನ್ನನ್ನು ಪ್ರೀತಿಸುತ್ತೇನೆ ಎಂಬ ಅರ್ಥ ಇದೆ. ಹೀಗಾಗಿ, ಅನನ್ಯಾ ಮಾರ್ವೆಲ್ ಪ್ರೇಮಿ ಆಗಿರಬಹುದು ಎಂದು ಅನೇಕರು ಊಹೆ ಮಾಡಿದ್ದಾರೆ.

ಇತ್ತೀಚೆಗೆ ಅನನ್ಯಾ ಪಾಂಡೆ ಅವರು ಮುಕೇಶ್‌ ಅಂಬಾನಿ ಪುತ್ರನ ಮನೆ ಮದುವೆ ಕಾರ್ಯಕ್ರಮದಲ್ಲಿ ಭಾಗಿ ಆಗಿದ್ದರು. ಈ ವಿವಾಹ ಸಮಾರಂಭದಲ್ಲಿ ಅವರು ಪಾಂಡ್ಯ ಜೊತೆ ಕಾಣಿಸಿಕೊಂಡಿದ್ದರು. ಆ ಬಳಿಕ ಇನ್​ಸ್ಟಾಗ್ರಾಮ್​ನಲ್ಲಿ ಇಬ್ಬರೂ ಪರಸ್ಪರ ಫಾಲೋ ಮಾಡಿಕೊಳ್ಳುತ್ತಿದ್ದಾರೆ.