ತಾನು ಸತ್ತ ಬಳಿಕ ತನ್ನ ಮಗಳು ಶ್ವೇತಾನಂದಾ ಮತ್ತು ಮಗ ಅಭಿಷೇಕ್ ಬಚ್ಚನ್‌ರಿಗೆ ನನ್ನ ಆಸ್ತಿ ಸಮಾನವಾಗಿ ಸೇರುತ್ತೆ ಎಂದು ಬಾಲಿವುಡ್ ನಟ ಅಮಿತಾಬ್ ಬಚ್ಚನ್ ತಿಳಿಸಿದ್ದಾರೆ. ಈ ವಿಷಯವನ್ನು ಅವರು ಟ್ವಿಟ್ಟರ್ ಮೂಲಕ ಖಚಿತಪಡಿಸಿರುವುದು ವಿಶೇಷ.
ಕೈಯಲ್ಲಿ ಒಂದು ಭಿತ್ತಿಪತ್ರ ಹಿಡಿದಿರುವ ಫೋಟೋವನ್ನು ಟ್ವಿಟ್ಟರ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ ಬಿಗ್ ಬಿ. ವೀ ಆರ್ ಈಕ್ವಲ್, ಜೆಂಡರ್ ಈಕ್ವಾಲಿಟಿ ಎಂಬ ಹ್ಯಾಶ್‍ಟ್ಯಾಗ್‍ನೊಂದಿಗೆ.."ನಾನು ಮರಣಿಸಿದ ಮೇಲೆ ನನ್ನ ಆಸ್ತಿಯಲ್ಲಾ ಮಗಳು ಶ್ವೇತಾನಂದಾ, ಮಗ ಅಭಿಷೇಕ್‌ಗೆ ಸಮಾನವಾಗಿ ಸೇರುತ್ತೆ" ಎಂದು ಟ್ವೀಟ್ ಮಾಡಿದ್ದಾರೆ.
ಸದ್ಯಕ್ಕೆ ಅಮಿತಾಬ್ ಬಚ್ಚನ್ ’ಸರ್ಕಾರ್ 3’ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಬುಧವಾರ ಈ ಚಿತ್ರದ ಟ್ರೇಲರ್ ಅಂತರ್ಜಾಲದಲ್ಲಿ ಬಿಡುಗಡೆಯಾಗಿದೆ. ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಆಕ್ಷನ್ ಕಟ್ ಹೇಳಿರುವ ಈ ಸಿನಿಮಾ ಏಪ್ರಿಲ್ 7ರಂದು ತೆರೆಗೆ ಬರುತ್ತಿದೆ. ಮನೋಜ್ ಬಾಜಪೇಯಿ, ಜಾಕಿ ಶ್ರಾಫ್, ಯಾಮಿ ಗೌತಮ್, ಅಮಿತ್‌ಸಾದ್ ಇನ್ನಿತರರು ಈ ಚಿತ್ರದಲ್ಲಿ ಪ್ರಮುಖ ಪಾತ್ರ ಪೋಷಿಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
