ಬೆಂಗಳೂರು: ಬಾಲಿವುಡ್ ನ ಪದ್ಮಾವತಿ ಸಿನಿಮಾದಲ್ಲಿ ರಜಪೂತ ನಾಯಕಿಯನ್ನು ಆಕ್ಷೇಪಾರ್ಹವಾಗಿ ಬಿಂಬಿಸಲಾಗಿದೆ ಎಂದು ಪ್ರತಿಭಟನೆ ನಡೆಸುತ್ತಿರುವ ಕೆಲವು ಸಮುದಾಯದವರಿಗೆ ಬಿಜೆಪಿ ನಾಯಕ, ನಟ ಜಗ್ಗೇಶ್ ತಿರುಗೇಟು ನೀಡಿದ್ದಾರೆ.
ಯಾವುದೇ ಸಿನಿಮಾವನ್ನು ನೋಡುವ ಮೊದಲೇ ತೀರ್ಮಾನ ಕೈಗೊಳ್ಳುವುದು ನಮ್ಮ ಜಾಯಮಾನವಾಗಿಬಿಟ್ಟಿದೆ. ಪಾಶ್ಚಿಮಾತ್ಯ ಸಿನಿಮಾಗಳನ್ನು ಬಾಯಿ ಮುಚ್ಚಿಕೊಂಡು ನೋಡುತ್ತೇವೆ. ಆದರೆ ನಮ್ಮದೇ ದೇಶದ ಸಿನಿಮಾಗಳಲ್ಲಿ ಬರುವ ಪ್ರಯೋಗಗಳನ್ನು ಒಪ್ಪಿಕೊಳ್ಳಲು ನಾವು ತಯಾರಿಲ್ಲ.
ಸ್ವಪ್ರತಿಷ್ಠೆ ಹೆಸರಿನಲ್ಲಿ ಕಲೆಯನ್ನು ಕೊಲ್ಲಬಾರದು. ಕೆಲವರ ಮನಸ್ಸಲ್ಲಿ ಒಬ್ಬ ಅದ್ಭುತ ಭಾರತೀಯ ನಿರ್ದೇಶಕ ಇಂದು ಅಪರಾಧಿಯಾಗಿದ್ದಾನೆ. ಅವರ ವರ್ಷಾನುಗಟ್ಟಲೆ ಶ್ರಮ ವೇಸ್ಟ್ ಆಗಬಾರದು. ಕೂಸು ಹುಟ್ಟುವ ಮುನ್ನವೇ ಕುಲಾವಣಿ ಹೆಣೆಯುವ ಪ್ರವೃತ್ತಿ ಬೇಡ ಎಂದು ಜಗ್ಗೇಶ್ ಟ್ವೀಟ್ ಮಾಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ