ಮೇಷ ರಾಶಿಯವರಿಗೆ ಯಾವ ಬಣ್ಣ, ಸಂಖ್ಯೆ ಅದೃಷ್ಟಶಾಲಿ?

ಬೆಂಗಳೂರು: ಮೇಷ ರಾಶಿಯವರು ಸ್ವಭಾವತಃ ಸ್ವಾಭಿಮಾನಿಗಳು, ನಾಯಕತ್ವದ ಗುಣವಿರುವವರೂ ಆಗಿರುತ್ತಾರೆ. ಈ ರಾಶಿಯವರಿಗೆ ಅದೃಷ್ಟ ತರುವ ಸಂಖ್ಯೆ ಮತ್ತು ಬಣ್ಣ ಯಾವುದು ನೋಡೋಣ.

ಮೇಷ ರಾಶಿಯವರ ಗುಣ ಸ್ವಭಾವಗಳು
ಮೇಷ ರಾಶಿಯವರ ಬಲ ಎಂದರೆ ಅವರಲ್ಲಿ ಎಲ್ಲರನ್ನೂ ಆಳುವ ಗುಣವಿರುತ್ತದೆ. ಅಷ್ಟು ಬೇಗ ಸೋಲೊಪ್ಪಿಕೊಳ್ಳುವವರಲ್ಲ. ಆದರೆ ತಮ್ಮನ್ನು ಪ್ರೀತಿಸುವವರನ್ನು ಅಷ್ಟೇ ವಿಧೇಯರಾಗಿ ಪ್ರೀತಿಸುವ ಭಾವುಕ ವ್ಯಕ್ತಿಗಳು. ಈ ರಾಶಿಯವರು ಕೆಲಸ ಕಾರ್ಯಗಳಲ್ಲಿ ನಿಷ್ಠರಾಗಿರುತ್ತಾರೆ. ಇನ್ನೊಬ್ಬರಿಗೆ ಭದ್ರತೆಯ ಭಾವ ನೀಡುವ ವ್ಯಕ್ತಿತ್ವದವರಾಗಿರುತ್ತಾರೆ.

ಮೇಷ ರಾಶಿಯ ಅದೃಷ್ಟ ಸಂಖ್ಯೆ, ಬಣ್ಣ
 ಮೇಷ ರಾಶಿವಯರಿಗೆ ಅದೃಷ್ಟದ ಸಂಖ್ಯೆ ಎಂದರೆ 9 ಅಥವಾ 6. ಈ ಎರಡು ಸಂಖ್ಯೆ ಈ ರಾಶಿಯವರಿಗೆ ಅದೃಷ್ಟ ತರುತ್ತದೆ. ಜೊತೆಗೆ 7 ಕೂಡಾ ಶುಭದಾಯಕವಾಗಿರುತ್ತದೆ. ನಿರ್ಧಾರ ತೆಗೆದುಕೊಳ್ಳುವಾಗ ಗೊಂದಲ ಕಾಡಿದರೆ 9 ಸಂಖ್ಯೆಯನ್ನು ಆಯ್ಕೆ ಮಾಡಿ. ಕೆಲಸದ ವಿಚಾರದಲ್ಲಿ ವಿಘ್ನಗಳಿದ್ದಾಗ 6 ಸಂಖ್ಯೆಯನ್ನು ಬಳಸಿದರೆ ಅದೃಷ್ಟ ಬರುತ್ತದೆ.

ಈ ರಾಶಿಯವರಿಗೆ ಕೆಂಪು ಬಣ್ಣ ಅತೀ ಅದೃಷ್ಟದ್ದಾಗಿದೆ. ಇದು ಈ ರಾಶಿಯವರ ಮುನ್ನಗ್ಗುವ, ನಾಯಕತ್ವದ, ಆಕ್ರಮಣಕಾರೀ ಸ್ವಭಾವಕ್ಕೆ ತಕ್ಕಂತಹ ಬಣ್ಣವಾಗಿದೆ. ಅದರ ಹೊರತಾಗಿ ಹಳದಿ ಮತ್ತು ಬಿಳಿ ಬಣ್ಣವೂ ಈ ರಾಶಿಯವರಿಗೆ ಅದೃಷ್ಟ ತಂದುಕೊಡಬಲ್ಲದು.