ಮಿಥುನ ರಾಶಿಯವರ ಅದೃಷ್ಟದ ಬಣ್ಣ ಮತ್ತು ಸಂಖ್ಯೆ

Photo Courtesy: Twitter

ಬೆಂಗಳೂರು: ಪ್ರತಿಯೊಂದು ರಾಶಿಯವರಿಗೂ ಒಂದೊಂದು ಅದೃಷ್ಟದ ಬಣ್ಣ ಮತ್ತು ಸಂಖ್ಯೆ ಎಂದಿರುತ್ತದೆ. ಹಾಗಿದ್ದರೆ ಮಿಥುನ ರಾಶಿಯವರಿಗೆ ಯಾವುದು ಅದೃಷ್ಟದ ಬಣ್ಣ ಮತ್ತು ಸಂಖ್ಯೆ ಎಂದು ನೋಡೋಣ.

ಮಿಥುನ ರಾಶಿಯವರ ಗುಣಸ್ವಭಾವಗಳು
ಮಿಥುನ ರಾಶಿಯವರು ತಮ್ಮವರನ್ನು ಅತಿಯಾಗಿ ಪ್ರೀತಿಸುತ್ತಾರೆ. ಅವರು ತಮ್ಮ ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಕಾಲ ಕಳೆಯಲು ಇಷ್ಟಪಡುತ್ತಾರೆ. ಈ ರಾಶಿಯವರು ತಮ್ಮ ಹವ್ಯಾಸ, ವೃತ್ತಿ ಎಂದು ಚುರುಕಾಗಿ ಎಲ್ಲದರಲ್ಲಿ ತೊಡಗಿಸಿಕೊಂಡು ಎಲ್ಲರಿಗೂ ಬೇಕಾದವರಾಗಿರುತ್ತಾರೆ.

ಆದರೆ ಇವರ ದೊಡ್ಡ ಅವಗುಣವೆಂದರೆ ಬೇಗನೇ ಬದಲಾವಣೆ ಬಯಸುತ್ತಾರೆ. ಒಬ್ಬರ ಸ್ನೇಹ ಬೋರಾಯಿತು ಎಂದಾದರೆ ಮುಲಾಜಿಲ್ಲದೇ ದೂರವಾಗುತ್ತಾರೆ. ಸಂಬಂಧವಿರಲಿ, ವೃತ್ತಿಯಿರಲಿ ಸ್ಥಿರತೆ ಕಾಪಾಡಿಕೊಳ್ಳುವುದಿಲ್ಲ. ಇನ್ನೊಬ್ಬರ ಮೇಲೆ ಸವಾರಿ ಮಾಡುವುದು, ಇಲ್ಲವೇ ಇನ್ನೊಬ್ಬರ ಬಗ್ಗೆ ಗಾಳಿಮಾತು ಹರಡುವ ಅಭ್ಯಾಸ ಇವರ ಅವಗುಣಗಳು.

ಮಿಥುನ ರಾಶಿಯವರ ಅದೃಷ್ಟ ಸಂಖ್ಯೆ ಮತ್ತು ಬಣ್ಣ
ಈ ರಾಶಿಯವರಿಗೆ 3,5,7,9,11 ಮತ್ತು 22 ಸಂಖ್ಯೆಗಳು ಅದೃಷ್ಟಶಾಲಿಯಾಗಿದ್ದು ಈ ಸಂಖ್ಯೆಯಲ್ಲಿ ಮಾಡುವ ಕೆಲಸಗಳು ಯಶಸ್ವಿಯಾಗುತ್ತದೆ. ಅದೇ ರೀತಿ ಹಳದಿ, ಹಸಿರು, ನೀಲಿ ಬಣ್ಣಗಳು ಮಿಥುನ ರಾಶಿಯವರಿಗೆ ಅದೃಷ್ಟ ತರುತ್ತದೆ. ಬುಧವಾರ, ಗುರುವಾರ, ಶನಿವಾರ ಈ ರಾಶಿಯವರಿಗೆ ಶುಭದಾಯಕ ದಿನಗಳಾಗಿರುತ್ತದೆ.