ದುರ್ಗಾ ಕವಚ ಸ್ತೋತ್ರ ಇಂದು ತಪ್ಪದೇ ಓದಿ

ಇಂದು ಮಂಗಳವಾರವಾಗಿದ್ದು ದುರ್ಗಾದೇವಿಯ ಆರಾಧನೆಗೆ ಸೂಕ್ತವಾದ ದಿನವಾಗಿದೆ. ಶತ್ರುಭಯ, ಮನಸ್ಸಿನ ಭಯವಿದ್ದರೆ ದುರ್ಗಾದೇವಿಯನ್ನು ಕುರಿತ ದುರ್ಗಾ ಕವಚ ಸ್ತೋತ್ರವನ್ನು ತಪ್ಪದೇ ಓದಿ.

ನಾರಾಯಣ ಉವಾಚ ।
ಓಂ ದುರ್ಗೇತಿ ಚತುರ್ಥ್ಯಂತಃ ಸ್ವಾಹಾಂತೋ ಮೇ ಶಿರೋಽವತು ।
ಮಂತ್ರಃ ಷಡಕ್ಷರೋಽಯಂ ಚ ಭಕ್ತಾನಾಂ ಕಲ್ಪಪಾದಪಃ ॥ 1 ॥

ವಿಚಾರೋ ನಾಸ್ತಿ ವೇದೇಷು ಗ್ರಹಣೇಽಸ್ಯ ಮನೋರ್ಮುನೇ ।
ಮಂತ್ರಗ್ರಹಣಮಾತ್ರೇಣ ವಿಷ್ಣುತುಲ್ಯೋ ಭವೇನ್ನರಃ ॥ 2 ॥

ಮಮ ವಕ್ತ್ರಂ ಸದಾ ಪಾತು ಓಂ ದುರ್ಗಾಯೈ ನಮೋಽಂತತಃ ।
ಓಂ ದುರ್ಗೇ ರಕ್ಷಯತಿ ಚ ಕಂಠಂ ಪಾತು ಸದಾ ಮಮ ॥ 3 ॥

ಓಂ ಹ್ರೀಂ ಶ್ರೀಮಿತಿ ಮಂತ್ರೋಽಯಂ ಸ್ಕಂಧಂ ಪಾತು ನಿರಂತರಮ್ ।
ಹ್ರೀಂ ಶ್ರೀಂ ಕ್ಲೀಮಿತಿ ಪೃಷ್ಠಂ ಚ ಪಾತು ಮೇ ಸರ್ವತಃ ಸದಾ ॥ 4 ॥

ಹ್ರೀಂ ಮೇ ವಕ್ಷಃಸ್ಥಲಂ ಪಾತು ಹಸ್ತಂ ಶ್ರೀಮಿತಿ ಸಂತತಮ್ ।
ಶ್ರೀಂ ಹ್ರೀಂ ಕ್ಲೀಂ ಪಾತು ಸರ್ವಾಂಗಂ ಸ್ವಪ್ನೇ ಜಾಗರಣೇ ತಥಾ ॥ 5 ॥

ಪ್ರಾಚ್ಯಾಂ ಮಾಂ ಪ್ರಕೃತಿಃ ಪಾತುಃ ಪಾತು ವಹ್ನೌ ಚ ಚಂಡಿಕಾ ।
ದಕ್ಷಿಣೇ ಭದ್ರಕಾಲೀ ಚ ನೈರೃತ್ಯಾಂ ಚ ಮಹೇಶ್ವರೀ ॥ 6 ॥

ವಾರುಣ್ಯಾಂ ಪಾತು ವಾರಾಹೀ ವಾಯವ್ಯಾಂ ಸರ್ವಮಂಗಲಾ ।
ಉತ್ತರೇ ವೈಷ್ಣವೀ ಪಾತು ತಥೈಶಾನ್ಯಾಂ ಶಿವಪ್ರಿಯಾ ॥ 7 ॥

ಜಲೇ ಸ್ಥಲೇ ಚಾಂತರಿಕ್ಷೇ ಪಾತು ಮಾಂ ಜಗದಂಬಿಕಾ ।
ಇತಿ ತೇ ಕಥಿತಂ ವತ್ಸ ಕವಚಂ ಚ ಸುದುರ್ಲಭಮ್ ॥ 8 ॥

ಯಸ್ಮೈ ಕಸ್ಮೈ ನ ದಾತವ್ಯಂ ಪ್ರವಕ್ತವ್ಯಂ ನ ಕಸ್ಯಚಿತ್ ।
ಗುರುಮಭ್ಯರ್ಚ್ಯ ವಿಧಿವದ್ವಸ್ತ್ರಾಲಂಕಾರಚಂದನೈಃ ।
ಕವಚಂ ಧಾರಯೇದ್ಯಸ್ತು ಸೋಽಪಿ ವಿಷ್ಣುರ್ನ ಸಂಶಯಃ ॥ 9 ॥

ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ಪ್ರಕೃತಿಖಂಡೇ ನಾರದನಾರಾಯಣಸಂವಾದೇ ದುರ್ಗೋಪಾಖ್ಯಾನೇ ಸಪ್ತಷಷ್ಟಿತಮೋಽಧ್ಯಾಯೇ ಬ್ರಹ್ಮಾಂಡಮೋಹನಂ ನಾಮ ಶ್ರೀ ದುರ್ಗಾ ಕವಚಮ್ ।