ಐಟಿಎಫ್: ಎರಡನೇ ಸುತ್ತಿಗೆ ಯೂಕಿ ಭಾಂಬ್ರಿ

PR

PR

ಉದಯೋನ್ಮುಖ ಆಟಗಾರ ಯೂಕಿ ಭಾಂಬ್ರಿ, ಅಂತಾರಾಷ್ಟ್ರೀಯ ಟೆನಿಸ್ ಫೆಡರೇಷನ್ ನೇತೃತ್ವದಲ್ಲಿ ಇಲ್ಲಿನ ಡಿಲ್‌ಟಿಎ ಕಾಂಪ್ಲೆಕ್ಸ್‌ನಲ್ಲಿ ನಡೆಯುತ್ತಿರುವ ಐಟಿಎಫ್ ಟೂರ್ನೆಮೆಂಟ್‌‌ನ ಎರಡನೇ ಸುತ್ತಿಗೆ ಪ್ರವೇಶಿಸಿದ್ದಾರೆ.

ಎರಡನೇ ಶ್ರೇಯಾಂಕಿತ ಯೂಕಿ ಮಂಗಳವಾರ ನಡೆದ ಮೊದಲ ಸುತ್ತಿನ ಪಂದ್ಯದಲ್ಲಿ ಬ್ರಿಟ್ ಟಿಮ್ ಬ್ರಾಡ್‌ಶಾರನ್ನು 7-5, 6-4ರ ಕಠಿಣ ಸೆಟ್‌ನಲ್ಲಿ ಮಣಿಸಿದರು.

ಹತ್ತು ಸಾವಿರ ಅಮೆರಿಕನ್ ಡಾಲರ್ ಬಹುಮಾನ ಹೊಂದಿರುವ ಈ ಟೂರ್ನಿಯ ಮತ್ತೊಂದು ಪಂದ್ಯದಲ್ಲಿ ಅಗ್ರ ಶ್ರೇಯಾಂಕಿತ ವಿಷ್ಣು ವರ್ಧನ್ ಭಾರತದವರೇ ಆದ ವಿಜಯ್ ಸುಂದರ್ ಪ್ರಶಾಂತ್ ಮೇಲೆ 7-5, 6-3ರ ಮೇಲುಗೈ ಸ್ಥಾಪಿಸಿದರು.

ಆರನೇ ಶ್ರೇಯಾಕಿತ ರೋಹನ್ ಗಜ್ಜಾರ್, ವಿವೇಕ್ ಶೋಕಿನ್ ಮತ್ತು ಎಂಟನೇ ಶ್ರೇಯಾಂಕಿತ ಆರ್. ಮುರುಗೇಷನ್ ಸಹ ಎರಡನೇ ಸುತ್ತು ಪ್ರವೇಶಿಸಿದ್ದಾರೆ.

ವಿವೇಕ್ ಪ್ರಬಲ ಹೋರಾಟದಲ್ಲಿ ನಾಲ್ಕನೇ ಶ್ರೇಯಾಂಕಿತ ಜಪಾನ್‌ನ ಕೆಂಟೊ ತಾಕೆಚಿರನ್ನು 6-3, 6-4ರಲ್ಲಿ ಮಣಿಸಿ ಅಚ್ಚರಿ ಫಲಿತಾಂಶಕ್ಕೆ ಕಾರಣರಾದರು.