ವಿವಾಹಿತ ನಟಿಯೊಂದಿಗೆ ಕ್ರಿಕೆಟಿಗ ಶ್ರೀಶಾಂತ್ ಅಶ್ಲೀಲ ನೃತ್ಯ

IFM

ಸದಾ ಒಂದಿಲ್ಲೊಂದು ವಿವಾದಗಳಲ್ಲಿ ಮುಳುಗೇಳುತ್ತಿರುವ ಕೇರಳ ವೇಗಿ ಎಸ್. ಶ್ರೀಶಾಂತ್ ಮತ್ತೆ ಪೋಲಿ ವರ್ತನೆಗಾಗಿ ಸುದ್ದಿಯಲ್ಲಿದ್ದಾರೆ. ಗೋವಾದ ಪಬ್ ಒಂದರಲ್ಲಿ ಕಿರುತೆರೆಯ ವಿವಾಹಿತ ನಟಿಯೊಂದಿಗೆ ಅಶ್ಲೀಲ ಭಂಗಿಗಳ ನೃತ್ಯದಲ್ಲಿ ಕಾಣಿಸಿಕೊಂಡಿರುವ ವೀಡಿಯೋ ಇದೀಗ ಭಾರೀ ಚರ್ಚೆಗೆ ಕಾರಣವಾಗಿದೆ.

ಹೊಸ ವರ್ಷಾಚರಣೆ ಅಂಗವಾಗಿ ಗೋವಾದ ಪಬ್ ಒಂದರಲ್ಲಿ ನಡೆದಿದೆ ಎನ್ನಲಾದ ಈ ಪಾರ್ಟಿಯಲ್ಲಿ ಏಕೈಕ ಕ್ರಿಕೆಟಿಗನಾಗಿ ಪಾಲ್ಗೊಂಡಿದ್ದ ಶ್ರೀಶಾಂತ್, ಹಿಂದಿ ಕಿರುತೆರೆ ನಟಿ, ನಿರೂಪಕಿ ಶ್ರದ್ಧಾ ನಿಗಮ್ ಜತೆ ಅಶ್ಲೀಲ ಭಂಗಿಗಳಲ್ಲಿ ಕಾಣಿಸಿಕೊಂಡಿದ್ದಾರೆ ಎಂದು 'ಟೀವಿ9' ಸುದ್ದಿವಾಹಿನಿ ತನ್ನ ವಿಶೇಷ ವರದಿಯಲ್ಲಿ ತಿಳಿಸಿದೆ.

ಡಿಸೆಂಬರ್ 31ರಂದು ಈ ಪಾರ್ಟಿ ನಡೆದಿದೆ ಎಂದು ಹೇಳಲಾಗಿದೆ. ಇಲ್ಲಿ ಶ್ರೀಶಾಂತ್ ನಟಿಯೊಂದಿಗೆ ಮಾದಕ ಡ್ಯಾನ್ಸ್ ಮಾಡುತ್ತಿರುವ ವೀಡಿಯೋವನ್ನು ಗುಪ್ತವಾಗಿ ಚಿತ್ರೀಕರಿಸಲಾಗಿದ್ದು, ಅದೀಗ ಬಹಿರಂಗಗೊಂಡಿದೆ.

ಮಾದಕ ಗೀತೆಯೊಂದಕ್ಕೆ ಹಲವು ಮಂದಿಯ ನಡುವೆ ನೃತ್ಯ ಮಾಡುತ್ತಿರುವ ಶ್ರೀಶಾಂತ್ ವಿವಾಹಿತ ನಟಿ ಶ್ರದ್ಧಾಳನ್ನು ಹಿಂದಿನಿಂದ ಅಪ್ಪಿಕೊಂಡು ಮೇಲಿಂದ ಮೇಲೆ ಮುತ್ತಿಕ್ಕುತ್ತಾ ಅಶ್ಲೀಲವಾಗಿ ವರ್ತಿಸುತ್ತಿರುವುದು ವೀಡಿಯೋದಲ್ಲಿ ಕಂಡು ಬಂದಿದೆ. ಅವರಿಬ್ಬರೂ ಕೆಳಕ್ಕುರುಳುವವರೆಗಿನ ವೀಡಿಯೋ ಚಿತ್ರಣವನ್ನು ಪ್ರಸಾರ ಮಾಡಲಾಗಿದೆ.

IFM

ಆಗಾಗ ಹಲವು ವಿವಾದಗಳಿಂದ ಸುದ್ದಿಯಲ್ಲಿರುವ ಶ್ರೀಶಾಂತ್ ಇತ್ತೀಚೆಗಷ್ಟೇ ರಾಷ್ಟ್ರೀಯ ತಂಡ ಮರಳಿದ್ದರೂ ತನ್ನ ನಡತೆಯನ್ನು ತಿದ್ದಿಕೊಂಡಂತೆ ಕಾಣಿಸುತ್ತಿಲ್ಲ ಎಂಬ ಅಭಿಪ್ರಾಯ ವ್ಯಕ್ತವಾಗಿದ್ದು, ವೀಡಿಯೋ ಬಹಿರಂಗಗೊಂಡಿರುವ ಕಾರಣ ಬಿಸಿಸಿಐ ಕ್ರಮ ಕೈಗೊಳ್ಳುವ ಸಾಧ್ಯತೆಗಳಿವೆ ಎಂದು ಹೇಳಲಾಗುತ್ತಿದೆ.

ಶ್ರದ್ಧಾ ನಿಗಮ್ - ಯಾರೀಕೆ?
ಲಕ್ಷ್ಮೀ ರೈ, ಸಂಜನಾ (ಗಂಡ-ಹೆಂಡತಿ ಚಿತ್ರದ ನಾಯಕಿ), ಪ್ರಿಯಾಂಕಾ ಛೋಪ್ರಾ, ಡೈಸಿ ಬೋಪಣ್ಣ ಮುಂತಾದವರ ಜತೆ ತನ್ನ ಹೆಸರುಗಳನ್ನು ಥಳುಕು ಹಾಕಿಸಿಕೊಂಡಿರುವ ಶ್ರೀಶಾಂತ್ ಈ ಬಾರಿ ಗುರುತಿಸಿಕೊಂಡಿರುವುದು ಶ್ರದ್ಧಾ ನಿಗಮ್ ಎಂಬ ವಿವಾಹಿತ ಕಿರುತೆರೆ ನಟಿಯೊಂದಿಗೆ.

ಸ್ಟಾರ್ ಪ್ಲಸ್ ಟೀವಿಯ 'ನಾಚ್ ಬಲ್ಲಿಯೇ-4' ಕಾರ್ಯಕ್ರಮದಲ್ಲಿ ಶ್ರೀಶಾಂತ್-ಶ್ರದ್ಧಾ ಆಪ್ತರಾಗಿದ್ದರು ಎಂದು ಮೂಲಗಳು ಹೇಳಿವೆ.

ನಟ ಕರಣ್ ಸಿಂಗ್ ಗ್ರೋವರ್‌ರನ್ನು ಪ್ರೀತಿಸಿ 2008ರ ಡಿಸೆಂಬರ್ 2ರಂದು ಗೋವಾದಲ್ಲಿ ಮದುವೆಯಾಗಿದ್ದ ನಟಿ, ನಿರೂಪಕಿ ಶ್ರದ್ಧಾ ಈ ಸಂಬಂಧವನ್ನು 2009ರ ಅಂತ್ಯದಲ್ಲಿ ಕಡಿದುಕೊಂಡಿದ್ದಳು.