ವಿರಾಟ್ ಕೊಹ್ಲಿ, ಪ್ರಧಾನಿ ಮೋದಿ, ರಾಹುಲ್ ಗಾಂಧಿ ಟ್ವಿಟರ್ ಖಾತೆಗೆ ಬಂದಿದೆ ಕುತ್ತು!

ನವದೆಹಲಿ: ದೇಶದ ಅಗ್ರ ನಾಯಕರ ಪೈಕಿ ಟ್ವಿಟರ್ ನಲ್ಲಿ ಅತೀ ಹೆಚ್ಚು ಫಾಲೋವರ್ ಗಳನ್ನು ಹೊಂದಿರುವ ಕ್ರಿಕೆಟಿಗ ವಿರಾಟ್ ಕೊಹ್ಲಿ, ಪ್ರಧಾನಿ ಮೋದಿ, ರಾಹುಲ್ ಗಾಂಧಿ ಶೀಘ್ರವೇ ಹಲವಾರು ಫಾಲೋವರ್ ಗಳನ್ನು ಕಳೆದುಕೊಳ್ಳಲಿದ್ದಾರೆ.

ಇದಕ್ಕೆ ಕಾರಣ, ಟ್ವಿಟರ್ ತನ್ನ ಹಲವು ನಕಲಿ ಖಾತೆಗಳನ್ನು ಡಿಲೀಟ್ ಮಾಡಲು ಹೊರಟಿದೆ. ಇದರಿಂದಾಗಿ ನಕಲಿ ಅಕೌಂಟ್ ಗಳ ಮೂಲಕ ಫಾಲೋವರ್ ಗಳ ಸಂಖ್ಯೆ ಸಾಕಷ್ಟಿದೆ ಎಂದು ತೋರಿಸಿಕೊಳ್ಳುತ್ತಿದ್ದ ನಾಯಕರಿಗೆ ತೊಂದರೆಯಾಗಲಿದೆ.

ಇವರು ಮಾತ್ರವಲ್ಲ, ವಿಶ್ವದ ಬಹುತೇಕ ನಾಯಕರ ಫಾಲೋವರ್ ಗಳ ಪೈಕಿ ಹಲವು ನಕಲಿ ಖಾತೆಗಳಿವೆ. ಇದನ್ನೆಲ್ಲಾ ಟ್ವಿಟರ್ ಸಂಸ್ಥೆ ರದ್ದುಗೊಳಿಸಿದರೆ ಪ್ರಮುಖ ನಾಯಕರ ಫಾಲೋವರ್ ಗಳ ಸಂಖ್ಯೆಯಲ್ಲಿ ಸಾಕಷ್ಟು ಇಳಿಮುಖವಾಗಲಿದೆ. ಭಾರತ ಸೇರಿದಂತೆ ವಿಶ್ವದ ಹಲವು ಸರ್ಕಾರಗಳು ಸುಳ್ಳು ಸುದ್ದಿ ಹರಡುವುದನ್ನು ತಡೆಗಟ್ಟಲು ಕ್ರಮ ಕೈಗೊಳ್ಳುವಂತೆ ಒತ್ತಡ ಹೇರಿದ ಹಿನ್ನಲೆಯಲ್ಲಿ ಟ್ವಿಟರ್ ಈ ಕ್ರಮಕ್ಕೆ ಮುಂದಾಗಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.