ಮಹಾರಾಷ್ಟ್ರ : ಕೊರೋನಾ ವೈರಸ್ ಇಡೀ ಜಗತ್ತನ್ನೇ ವ್ಯಾಪಿಸಿ ಜನರ ನೆಮ್ಮದಿಯನ್ನು ಕಿತ್ತು ತಿಂದಿತ್ತು. ಯಾವಾಗ ಕೊರೋನಾ ತಡೆಗಟ್ಟುವ ಸಲುವಾಗಿ ಕೋವಿಶೀಲ್ಡ್ ಮತ್ತು ಕೋವ್ಯಾಕ್ಸಿನ್ ಲಸಿಕೆಗಳು ಭಾರತಕ್ಕೆ ಬಂದಾಗ ಜನರು ಕೊಂಚ ಸಮಾಧಾನಪಟ್ಟರು. ಆದರೂ ಪ್ರಾರಂಭದಲ್ಲಿ ಕೆಲವರು ಕೋವಿಶೀಲ್ಡ್ ಲಸಿಕೆ ಪಡೆಯುವುದರಿಂದ ಪ್ರಾಣ ಕಳೆದುಕೊಂಡರು, ಆರೋಗ್ಯದಲ್ಲಿ ಏರುಪೇರಾಯಿತು ಎಂದೆಲ್ಲಾ ದೂರಿದ್ದರು. ಇದರಲ್ಲಿ ಲಾಭಕ್ಕಿಂತ ಅಡ್ಡ ಪರಿಣಾಮಗಳೇ ಹೆಚ್ಚು ಎಂದು ಹೇಳಿದ್ದರು.
ಲಸಿಕೆ ಕುರಿತು ನಕಾರಾತ್ಮಕ ಅಂಶಗಳೇ ಹೆಚ್ಚಾಗಿ ಹರಿದಾಡಿದ್ದವು.
ಆದರೆ ಮಹಾರಾಷ್ಟ್ರದಲ್ಲಿ ಸಿನಿಮಾಗಳಲ್ಲಿ ನಡೆಯುವ ರೀತಿಯಲ್ಲಿ ಪವಾಡ ನಡೆದಿದೆ. ಕೋವಿಶೀಲ್ಡ್ ಲಸಿಕೆ ಪಡೆದ 70ರ ಅಜ್ಜಿಗೆ ಕಣ್ಣಿನ ದೃಷ್ಟಿ ಮತ್ತೆ ಬಂದಿದೆ. ಹೌದು ಈಕೆ ಕಣ್ಣಿನ ದೃಷ್ಟಿ ದೋಷದಿಂದ ಬಳಲುತ್ತಿದ್ದರು. ಲಸಿಕೆ ಪಡೆದ ನಂತರ ಅರ್ಧದಷ್ಟು ದೃಷ್ಟಿ ವಾಪಸಾಗಿದೆ ಎಂದು ಹೇಳಿಕೊಂಡಿದ್ದಾರೆ.