ಗಾಂಧಿ ಜಯಂತಿಯಂದು ಮತ್ತೊಂದು ಮೈಲಿಗಲ್ಲು

ಮಹಾತ್ಮಾ ಗಾಂಧಿ ಮತ್ತು ಲಾಲ್ ಬಹದ್ದೂರ್ ಶಾಸ್ತ್ರಿ ಅವರ ವಾರ್ಷಿಕೋತ್ಸವದ ಸಂದರ್ಭದಲ್ಲಿ ಭಾರತವು ಒಟ್ಟು 90 ಕೋಟಿ ಲಸಿಕೆಗಳ ಮೈಲಿಗಲ್ಲಾದ ದಾಖಲೆಯನ್ನ ದಾಟಿದೆ ಎಂದು ಕೇಂದ್ರ ಆರೋಗ್ಯ ಸಚಿವ ಮನ್ಸುಖ್ ಮಾಂಡವಿಯಾ ಶನಿವಾರ ತಿಳಿಸಿದ್ದಾರೆ.

ಈ ಸಾಧನೆಗೆ 'ಜೈ ಅನುಸಂಧನ್' ಎಂಬ ಘೋಷಣೆಯನ್ನ ಲಗತ್ತಿಸಿದ ಸಚಿವರು, ಅದನ್ನ ಪೂರೈಸಿದ್ದಕ್ಕಾಗಿ ಪ್ರಧಾನಿ ನರೇಂದ್ರ ಮೋದಿ ಅವರನ್ನ ಶ್ಲಾಘಿಸಿದ್ದಾರೆ.
'ಭಾರತವು 90 ಕೋಟಿ ಕೋವಿಡ್19 ಲಸಿಕೆಗಳ ಹೆಗ್ಗುರುತನ್ನ ದಾಟಿದೆ. ಶ್ರೀಶಾಸ್ತ್ರಿ ಜೀ ಅವರು 'ಜೈ ಜವಾನ್ - ಜೈ ಕಿಸಾನ್' ಎಂಬ ಘೋಷಣೆಯನ್ನು ನೀಡಿದರು. ಪೂಜ್ಯ ಅಟಲ್ ಜೀ ಅವ್ರು 'ಜೈ ವಿಜ್ಞಾನ' ಸೇರಿಸಿದರು ಮತ್ತು ಪ್ರಧಾನಿ ನರೇಂದ್ರ ಮೋದಿ ಜೀ ಅವರು 'ಜೈ ಅನುಸಂಧನ್' ಘೋಷಣೆಯನ್ನ ನೀಡಿದರು. ಈ ಸಂಶೋಧನೆಯ ಫಲಿತಾಂಶವೆಂದ್ರೆ ಈ ಕೊರೊನಾ ಲಸಿಕೆ' ಎಂದು ಟ್ವೀಟ್ ಮಾಡಿದ್ದಾರೆ.
ಅಂದ್ಹಾಗೆ, ಶುಭ ಸಂದರ್ಭದಲ್ಲಿ ಭಾರತ ಮೈಲಿಗಲ್ಲು ಸಾಧಿಸುತ್ತಿರುವುದು ಇದೇ ಮೊದಲಲ್ಲ. ಈ ವರ್ಷದ ಪ್ರಧಾನಿ ನರೇಂದ್ರ ಮೋದಿ ಅವ್ರ ಜನ್ಮದಿನದಂದು ಭಾರತ ಒಂದೇ ದಿನದಲ್ಲಿ 2 ಕೋಟಿಗೂ ಹೆಚ್ಚು ಕೋವಿಡ್ ಲಸಿಕೆಗಳನ್ನು ನೀಡಿದೆ. ಇನ್ನು ಭಾರತವು ಶುಕ್ರವಾರ 2 ಕೋಟಿ ಕೋವಿಡ್-19 ಲಸಿಕೆ ಡೋಸ್ʼಗಳನ್ನ ನೀಡುವ ಮೂಲಕ ಹೊಸ ದಾಖಲೆಯನ್ನು ಸ್ಥಾಪಿಸುತ್ತಿದ್ದಂತೆ, ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಲಸಿಕೆಯ ಯಶಸ್ಸನ್ನು ದೇಶದ ವೈದ್ಯರು, ನವೋದ್ಯಮಿಗಳು, ಆಡಳಿತಗಾರರು, ದಾದಿಯರು, ಆರೋಗ್ಯ ರಕ್ಷಣೆ ಮತ್ತು ಎಲ್ಲಾ ಮುಂಚೂಣಿ ಕಾರ್ಯಕರ್ತರಿಗೆ ಸಮರ್ಪಿಸಿದ್ದರು.