ಬೇಕಾಗುವ ಸಾಮಗ್ರಿ: ಒಂದು ಕಪ್ ಮೈದಾ, ಕಾಲು ಕಪ್ ರವೆ, ಸ್ವಲ್ಪ ಉಪ್ಪು, ಕರಿಯಲು ಎಣ್ಣೆ, ಸ್ವಲ್ಪ ಗೋಡಂಬಿ, ಹುರಿಗಡಲೆ ಪುಡಿ, ಹುರಿದ ಒಣಕೊಬ್ಬರಿ, ಸ್ವಲ್ಪ ಗಸಗಸೆ, ತುರಿದ ಬೆಲ್ಲ, ಏಲಕ್ಕಿ.
ಮಾಡುವ ವಿಧಾನ: ಮೈದಾ, ರವೆ, ಉಪ್ಪಿಗೆ ನೀರು ಸೇರಿಸಿ ಗಟ್ಟಿಯಾದ ಹಿಟ್ಟನ್ನು ತಯಾರಿಸಿ. ಇದನ್ನು ಒದ್ದೆ ಬಟ್ಟೆಯಿಂದ 1/2 ಗಂಟೆ ಮುಚ್ಚಿಡಿ. ಹಿಟ್ಟನ್ನು ಮೃದುವಾಗಿ ಚೆನ್ನಾಗಿ ನಾದಿ. ಗೋಡಂಬಿ ಪುಡಿ, ಹುರಿಗಡಲೆ ಪುಡಿ, ಹುರಿದ ಒಣಕೊಬ್ಬರಿ, ಗಸಗಸೆ, ತುರಿದ ಬೆಲ್ಲ, ಸ್ವಲ್ಪ ಏಲಕ್ಕಿ ಎಲ್ಲವನ್ನೂ ಮಿಕ್ಸ್ ಮಾಡಿಡಿ. ಮೈದಾ ಹಿಟ್ಟಿನಿಂದ ಸಣ್ಣ ಉಂಡೆಗಳನ್ನು ಮಾಡಿ ಅವುಗಳನ್ನು ತೆಳುವಾದ ಚಪಾತಿಗಳಂತೆ ಲಟ್ಟಿಸಿ. ಇದನ್ನು ಎಣ್ಣೆ ಸವರಿದ ಸಮೋಸಾ ಎರಕದ ಅಚ್ಚಿನ ಮೇಲೆ ಹಾಕಿ. ಇದರ ಮೇಲೆ ಹುರಿಗಡಲೆ ಹಾಗೂ ಗೋಡಂಬಿ ಬೀಜದ ಮಿಶ್ರಣವನ್ನು ಸ್ವಲ್ಪ ಹರಡಿ. ಅಂಚುಗಳನ್ನು ಅಂಟಿಸಿ. ಅಚ್ಚಿಲ್ಲದಿದ್ದರೆ ಚಪಾತಿಯಂತೆ ಲಟ್ಟಿಸಿದ ಮೇಲೆ ಅದರೊಳಗೆ ಮಿಶ್ರಣ ತುಂಬಿ ಸಮೋಸಾ ಆಕಾರದಲ್ಲಿ ಕೈಯಿಂದಲೇ ಅಂಚು ಸೇರಿಸಿಯೂ ಮಾಡಬಹುದು. ನಂತರ ಎಣ್ಣೆಯಲ್ಲಿ ಗರಿಗರಿಯಾಗಿ ಕರಿಯಿರಿ.
