ಬೇಕಾಗುವ ಸಾಮಗ್ರಿ: ತುರಿದ ಸಿಹಿಗುಂಬಳ ಮೂರು ಕಪ್, ಸಕ್ಕರೆ ಅರ್ಧ ಕಪ್, ಹಾಲು ಮೂರು ಕಪ್, ಮೂರು ಚಮಚ ತುಪ್ಪ, ಚಿಟಿಕೆ ಏಲಕ್ಕಿ ಪುಡಿ, ಬಾದಾಮಿ ಸ್ವಲ್ಪ.
ಮಾಡುವ ವಿಧಾನ: ಒಲೆಯ ಮೇಲೆ ತುಪ್ಪ ಬಿಸಿ ಮಾಡಿ ತುರಿದ ಕುಂಬಳಕಾಯಿಯನ್ನು ಹಾಕಿ ತಿರುಗಿಸಿ. ಸುಮಾರು 5-10 ನಿಮಿಷಗಳಲ್ಲಿ ಕುಂಬಳದ ಬಣ್ಣ ಬದಲಾಗುತ್ತದೆ. ಬಣ್ಣ ಬದಲಾದ ತಕ್ಷಣ ಹಾಲು ಸೇರಿಸಿ. ಗಟ್ಟಿಗೊಳ್ಳಲು ಅರ್ಧ ಗಂಟೆ ಹಾಗೆಯೇ ತಿರುವುತ್ತಾ ಇರಿ. ನೀರಿನ ಅಂಶ ಆವಿಯಾಗುತ್ತಿದ್ದಂತೆ ಸಕ್ಕರೆ, ಏಲಕ್ಕಿ ಪುಡಿ ಸೇರಿಸಿ. ಇನ್ನೂ ಐದು- ಹತ್ತು ನಿಮಿಷ ತಿರುವುತ್ತಲೇ ಇರಿ. ಬಾದಾಮಿ ಸೇರಿಸಿ ಕೆಳಗಿಳಿಸಿ. ಸಿಹಿಗುಂಬಳ ಹಲ್ವಾ ರೆಡಿ.
