ಬಾದಾಮಿ ಬರ್ಫಿ

ಬೇಕಾಗುವ ಸಾಮಗ್ರಿ- ಒಂದು ಕಪ್ ಬಾದಾಮಿ, ಸಕ್ಕರೆ, ಹಾಲು, ಕೇಸರಿ ದಳ, 2 ಚಮಚ ತುಪ್ಪ.

ಮಾಡುವ ವಿಧಾನ- ಬಾದಾಮಿಯನ್ನು ಬಿಸಿನೀರಿನಲ್ಲಿ ಐದು ನಿಮಿಷ ನೆನೆ ಹಾಕಿ ಅದರ ಸಿಪ್ಪೆಯನ್ನು ಸುಲಿಯಿರಿ. ಸ್ವಲ್ಪವೇ ಸ್ವಲ್ಪ ಹಾಲು ಹಾಕಿ ಸಕ್ಕರೆಯೊಂದಿಗೆ ಬಾದಾಮಿಯನ್ನು ಹದವಾಗಿ ಕಲಸಿ. ನಂತರ ಈ ಮಿಶ್ರಣವನ್ನು ನಾನ್ ಸ್ಟಿಕ್ ಪಾತ್ರೆಯಲ್ಲಿ ಹಾಕಿ ಒಲೆ ಮೇಲಿಟ್ಟು ತುಪ್ಪ ಹಾಗೂ ಕೇಸರಿ ಹಾಕಿ ತಿರುವುತ್ತಲೇ ಇರಿ. ಮಿಶ್ರಣ ಉಂಡೆಯಂತೆ ಮೇಲೇಳತೊಡಗಿದಾಗ ಅದನ್ನು ಎಣ್ಣೆ ಸವರಿದ ತಟ್ಟೆಯಲ್ಲಿ ಹರವಿ.