ಖರ್ಜೂರ ಮಿಠಾಯಿ

ಬೇಕಾಗುವ ಸಾಮಗ್ರಿ: 12 ಹಸಿ ಖರ್ಜೂರ, ಅರ್ಧ ಕಪ್ ಖೋವಾ, ಒಂದು ಚಮಚ ತುಪ್ಪ, ಕಾಲು ಕಪ್ ಪುಡಿ ಮಾಡಿದ ಸಕ್ಕರೆ, ಒಂದು ಚಮಚ ಕೊಬ್ಬರಿ ತುರಿ, ದ್ರಾಕ್ಷಿ, ಗೋಡಂಬಿ, ಪಿಸ್ತಾ.
ಮಾಡುವ ವಿಧಾನ: ಖರ್ಜೂರವನ್ನು ತುಂಡು ಮಾಡದೆ ಒಳಗಿನ ಬೀಜವನ್ನು ತೆಗೆಯಿರಿ. ಖೋವಾವನ್ನು ಬೆರಳುಗಳಿಂದ ಪುಡಿ ಮಾಡಿ. ದ್ರಾಕ್ಷಿ, ಗೋಡಂಬಿ, ಪಿಸ್ತಾ, ಕೊಬ್ಬರಿ ತುರಿ, ಸಕ್ಕರೆ ಬೆರೆಸಿ. ಬೀಜ ತೆಗೆದ ಖರ್ಜೂರದಲ್ಲಿ ಈ ಮಿಶ್ರಣ ತುಂಬಿ. ತುಪ್ಪ ಬಿಸಿ ಮಾಡಿ ಸಣ್ಣ ಉರಿಯಲ್ಲಿ ಈ ಮಿಶ್ರಣ ತುಂಬಿದ ಖರ್ಜೂರವನ್ನು ಹಾಕಿ ಒಂದು ನಿಮಿಷ ಮಗುಚಿ ಹೊರತೆಗೆಯಿರಿ. ಖರ್ಜೂರದ ರುಚಿರುಚಿಯಾದ ಗರಿಗರಿ ಮಿಠಾಯಿ ಸಿದ್ಧ.