ಬೇಕಾಗುವ ಸಾಮಗ್ರಿ- ಒಂದು ತುರಿದ ತೆಂಗಿನ ಕಾಯಿ, ತುರಿದ ಬೆಲ್ಲ, ಸಕ್ಕರೆ, ಏಲಕ್ಕಿ ಪುಡಿ, ಬಾಳೆಹಣ್ಣು, ಎಳ್ಳು.
ಮಾಡುವ ವಿಧಾನ- ತುರಿದ ತೆಂಗಿನ ಕಾಯಿಯ್ನು ಮಿಕ್ಸಿಯಲ್ಲಿ ಹಾಕಿ ಚೆನ್ನಾಗಿ ತಿರುಗಿಸಿ ಅದರಿಂದ ಹಾಲನ್ನು ಹಿಂಡಿ ತೆಗೆದಿಟ್ಟುಕೊಳ್ಳಿ. ಈ ಹಾಲಿಗೆ ತುರಿದ ಬೆಲ್ಲ ಹಾಕಿ ಚೆನ್ನಾಗಿ ತಿರುವುತ್ತಾ ಕರಗಿಸಿ. ಬೇಕಿದ್ದರೆ ರುಚಿಗೆ ತಕ್ಕಷ್ಟು ಸಕ್ಕರೆ ಸೇರಿಸಿ. ಬಾಳೆಹಣ್ಣನ್ನು ಉರುಟಾಗಿ ತುಂಡುಗಳನ್ನಾಗಿ ಮಾಡಿ ಈ ಹಾಲಿಗೆ ಸೇರಿಸಿ. ಎಳ್ಳು ಹಾಗೂ ಏಲಕ್ಕಿ ಪುಡಿ ಸೇರಿಸಿ. ಕಾಯಿ ಹಾಲು ಸಿದ್ಧ. ಇದು ಹಾಗೆ ಕುಡಿಯಲು ಚೆನ್ನಾಗಿರುತ್ತದೆ. ಅಥವಾ ಅಕ್ಕಿ ಶ್ಯಾವಿಗೆ, ಇಡ್ಲಿ, ದೋಸೆ ಜೊತೆಗೆ ಸವಿಯಲು ಚೆನ್ನಾಗಿರುತ್ತದೆ.
