ಅಂಜೂರದ ಬರ್ಫಿ

ಬೇಕಾಗುವ ಸಾಮಗ್ರಿ: 12, 15ಒಣ ಅಂಜೂರ, ಸಣ್ಣಗೆ ಹೆಚ್ಚಿದ ಗೋಡಂಬಿ, ಪಿಸ್ತಾ, ಬಾದಾಮಿ, ದ್ರಾಕ್ಷಿ, ಎರಡು ದೊಡ್ಡ ಚಮಚ ತುಪ್ಪ, ಏಲಕ್ಕಿ ಪುಡಿ.

ಮಾಡುವ ವಿಧಾನ: ಅಂಜೂರವನ್ನು ಕುದಿಯುವ ನೀರಿನಲ್ಲಿ ಎರಡು ನಿಮಿಷ ನೆನೆಸಿ. ನೆನೆಸಿದ ಅಂಜೂರವನ್ನು ಹೊರತೆಗೆದು ಮಿಕ್ಸಿಯಲ್ಲಿ ಹಾಕಿ ರುಬ್ಬಿ. ಅಂಜೂರದ ಪೇಸ್ಟಿಗೆ ಗೋಡಂಬಿ, ಬಾದಾಮಿ, ದ್ರಾಕ್ಷಿ, ಏಲಕ್ಕಿ, ತುಪ್ಪ ಹಾಕಿ ಬೆರೆಸಿ. ಪ್ಲಾಸ್ಟಿಕ್ ಹಾಳೆಗೆ ತುಪ್ಪ ಸವರಿ ಸಮಾನವಾಗಿ ಈ ಪೇಸ್ಟನ್ನು ಹರಡಿ ಫ್ರಿಡ್ಜಿನಲ್ಲಿಡಿ. ಒಂದು ಗಂಟೆಯ ನಂತರ ಹೊರತೆಗೆದು ಬೇಕಾದ ಆಕಾರಕ್ಕೆ ಕತ್ತರಿಸಿ ಸವಿಯಿರಿ.